തിരുവനന്തപുരം സ്വര്ണക്കടത്ത് കേസിലെ പ്രതികളുടെ റിമാന്ഡ് നീട്ടി. സ്വപ്ന സുരേഷ്, സരിത്, സന്ദീപ് നായര് എന്നിവരടക്കം 15 പ്രതികളുടെ കാലാവധി അടുത്ത മാസം എട്ടാം തിയതി വരെയാണ് നീട്ടിയത്. സാമ്പത്തിക കുറ്റകൃത്യങ്ങള്ക്കുള്ള കൊച്ചിയിലെ പ്രത്യേക കോടതിയാണ് റിമാന്റ് നീട്ടിയത്.
കേസില് കൂടുതല് പ്രതികള് പിടിയിലാകാനുണ്ടെന്നും പിടിയിലായ പ്രതികള്ക്ക് ജാമ്യം അനുവദിച്ചാല് സാക്ഷികളെ സ്വാധീനിക്കാനും തെളിവ് നശിപ്പിക്കാനും സാധ്യതയുണ്ടെന്നും കസ്റ്റംസ് കോടതിയെ അറിയിച്ചു. കാലാവധി അവസാനിച്ചതിനെ തുടര്ന്ന് പ്രതികളെ വീഡിയോ കോണ്ഫറന്സ് വഴി കോടതിയില് ഹാജരക്കുകയായിരുന്നു.