കേന്ദ്രസർക്കാരിന്റെ പുതിയ ട്രാഫിക് നിയമ നടപടികൾ പിൻവലിക്കുക, വാഹനങ്ങളുടെ പെർമിറ്റ് റദ്ദ് ചെയ്യൽ, ഡ്രൈവർമാരുടെ ലൈസൻസ് സസ്പെൻഡ് ചെയ്യൽ തുടങ്ങിയ തൊഴിലാളി ദ്രോഹ നടപടികൾ പിൻവലിക്കുക.
എന്നീ മുദ്രാവാക്യങ്ങൾ ഉയർത്തി ഓട്ടോ ടാക്സി – ലൈറ്റ് മോട്ടോർ വർക്കേഴ്സ് യൂണിയൻ ( സിഐടിയു) കുന്ദമംഗലം ഏരിയ കമ്മിറ്റിയുടെ നേതൃത്വത്തിൽ പുവാട്ടുപറമ്പ് പോസ്റ്റ് ഓഫീസിലേക്ക് മാർച്ചും ധർണയും നടത്തി. മാർച്ച് സിഐടിയു കോഴിക്കോട് ജില്ലാ കമ്മിറ്റി സെക്രട്ടറി സുരേഷ് പുഴക്കൽ ഉദ്ഘാടനം ചെയ്തു. യൂണിയൻ ഏരിയ പ്രസിഡൻ്റ് എം. എം സുധീഷ് കുമാർ അധ്യക്ഷനായി. ഏരിയ സെക്രട്ടറി പി ആരിഷ്, ജി.ടി സുബ്രഹ്മണ്യൻ, പവിത്രൻ കുറ്റിക്കാട്ടൂർ, കെ.പി മധു തുടങ്ങിയവർ സംസാരിച്ചു. സജിൻ ദേവ് പൂവാട്ടുപറമ്പ്, ബാബു വിളക്കുമാടം,ടി.ടി ചന്ദ്രൻ, കെ രതീഷ്, നാരായണൻകുട്ടി, സത്യൻചൂലൂർ, രാജ്മോഹൻ, ശിവാനന്ദൻ, പി മഹേഷ്, എം.എം വിയോജ്, ദിനേശൻ പെരിങ്ങളം തുടങ്ങിയവർ നേതൃത്വം നൽകി.
