കൊച്ചി: ഐഎസ്എല്ലില് കേരള ബ്ലാസ്റ്റേഴ്സിന് ഇന്ന് രണ്ടാം അങ്കത്തിനിറങ്ങുന്നു. മുംബൈ സിറ്റി എഫ്സിയാണ് ഇന്ന് നടക്കുന്ന മത്സരത്തില് ബ്ലാസ്റ്റേഴ്സിന്റെ എതിരാളികള്. തിങ്ങിനിറഞ്ഞ ബ്ലാസ്റ്റേഴ്സ് ആരാധകര്ക്ക് മുന്നില് രാത്രി 7.30ന് കൊച്ചി ജവഹര്ലാല് നെഹ്റു സ്റ്റേഡിയത്തിലാണ് മത്സരം.
കൊല്ക്കത്തയെ തകര്ത്ത ആത്മവിശ്വാസത്തിലാണ് കേരള ബ്ലാസ്റ്റേഴ്സ് ഇറങ്ങുന്നത്. മുംബൈ സിറ്റിയാകട്ടെ ജയത്തോടെ തന്നെ ആറാം പതിപ്പിന് തുടക്കമിടാമെന്ന വിശ്വാസത്തിലും.
നായകന് ബര്ത്തലോമ്യോ ഓഗ്ബച്ചെയാണ് കേരള ബ്ലാസ്റ്റേഴ്സിന്റെ വജ്രായുധം. കഴിഞ്ഞ മത്സരത്തില് ഒഗ്ബച്ചെയുടെ ഇരട്ട ഗോളിലായിരുന്നു ബ്ലാസ്റ്റേഴ്സിന്റെ വിജയം. മധ്യനിരയില് മുസ്തഫയും ജീക്സണ് സിങ്ങും പ്രശാന്തും നിരന്തരം അവസരങ്ങള് സൃഷ്ടിക്കുന്നതും ബ്ലാസ്റ്റേഴ്സിന് പ്രതീക്ഷ നല്കുന്നു.
