സംസ്ഥാനത്തെ സ്കൂള് പ്രവര്ത്തന സമയത്തില് മാറ്റം കൊണ്ടുവരാനുള്ള ഖാദര് കമ്മിറ്റി റിപ്പോര്ട്ടിലെ ശുപാര്ശയ്ക്കെതിരേ മുസ്ലീം ലീഗ്. സമയം മതവിദ്യാഭ്യാസത്തെ ഇല്ലാതാക്കും. തീരുമാനമെടുക്കുന്നതിന് മുന്പ് എല്ലാവിഭാഗം ആളുകളുമായു ചര്ച്ച നടത്താന് സര്ക്കാര് തയ്യാറാവണം. ശുപാര്ശ സര്ക്കാര് അംഗീകരിക്കരുത്. വഖഫ് വിഷയം പോലെ സര്ക്കാരിന് അബദ്ധം പറ്റരുതെന്നും ലീഗ് സംസ്ഥാന ജനറല് സെക്രട്ടറി പിഎംഎ സലാം പറഞ്ഞു.സ്കൂൾ പഠന സമയം രാവിലെ 8 മുതൽ 1 മണി വരെ ആക്കണമെന്നാണ് ഖാദർ കമ്മിറ്റിയുടെ ശുപാർശ. പഠനത്തിന് ഏറ്റവും അനുയോജ്യമായ സമയം രാവിലെയാണെന്നും അതിന് ശേഷമുള്ള സമയം കായിക പഠനം അടക്കമുള്ള മറ്റുളള കാര്യങ്ങൾക്ക് മാറ്റിവെക്കാമെന്നും റിപ്പോർട്ടിലുണ്ട്. മറ്റൊരു പ്രധാന ശുപാർശ അധ്യാപക പഠനത്തെ കുറിച്ചാണ്. അധ്യാപക പഠനത്തിന് അഞ്ച് വർഷത്തെ കോഴ്സിനാണ് കമ്മിറ്റിയുടെ ശുപാർശ. പ്ലസ് ടുവിന് ശേഷം ടിടിസിക്കും ബിഎഡിനും പകരം അഞ്ച് വർഷത്തെ ഒറ്റ കോഴ്സെന്നതാണ് മുന്നോട്ട് വെക്കുന്ന നിര്ദ്ദേശം.
സ്കൂള് പ്രവര്ത്തന സമയത്തില് മാറ്റം; മതവിദ്യാഭ്യാസം ഇല്ലാതാക്കുമെന്ന് പിഎംഎ സലാം
