കൊവിഡ് 19 രണ്ടാം തരംഗം കൈകാര്യം ചെയ്യുന്നതില് നരേന്ദ്രമോഡി സര്ക്കാരിന്റെ വീഴ്ചയില് തുറന്നടിച്ച് നടന് സിദ്ധാര്ത്ഥ്. അധികാരത്തില് നിന്ന് ബിജെപിയെ ജനം പുറന്തള്ളുന്ന ദിവസമായിരിക്കും രാജ്യം ശരിക്കും പ്രതിരോധശേഷി കൈവരിക്കുകയെന്ന് സിദ്ധാര്ത്ഥ് ട്വീറ്റ് ചെയ്തു.
പശ്ചിമബംഗാളില് അധികാരത്തിലെത്തിയാല് സൗജന്യ വാക്സിന് നല്കുമെന്ന ബിജെപി സംസ്ഥാന ഘടകത്തിന്റെ പ്രഖ്യാപനം റീ ട്വീറ്റ് ചെയ്താണ് സിദ്ധാര്ത്ഥിന്റെ വിമര്ശനം.
സിദ്ധാര്ത്ഥിന്റെ ട്വീറ്റ്
നിങ്ങളെ അധികാരത്തില് നിന്ന് ജനാധിപത്യത്തിലൂടെ പുറന്തള്ളുന്നൊരു ദിവസം, അന്നാവും ഈ രാജ്യം യഥാര്ത്ഥത്തില് പ്രതിരോധ ശേഷി കൈവരിക്കുന്നത്. അന്ന് ഞങ്ങള് ഇവിടെയുണ്ടാകും. ഈ ട്വീറ്റിനെ കുറിച്ച് ഓര്മ്മപ്പെടുത്താനെങ്കിലും.