കൊയിലാണ്ടിയില് സിപിഎം ലോക്കല് കമ്മിറ്റി സെക്രട്ടറി പിവി സത്യനാഥനെ കൊലപ്പെടുത്തിയ കേസിലെ പ്രതി അഭിലാഷിന്റെ മൊഴി പുറത്ത്. പിവി സത്യനാഥന് തന്നെ മനപൂര്വം അവഗണിച്ചുവെന്നും പാര്ട്ടി പ്രവര്ത്തനത്തില് നിന്ന് മാറ്റി നിര്ത്തിയെന്നുമാണ് അഭിലാഷിന്റെ മൊഴി. പാര്ട്ടി പ്രവര്ത്തനത്തില് നിന്ന് മാറ്റി നിര്ത്തിയതിന് പുറമെ മറ്റു പാര്ട്ടിക്കാരില് നിന്ന് മര്ദനമേറ്റ സംഭവത്തില് സംരക്ഷിച്ചില്ല. സംരക്ഷിച്ചില്ലെന്ന് മാത്രമല്ല കുറ്റപ്പെടുത്തുകയും ചെയ്തു. ഇത് വൈരാഗ്യത്തിന് കാരണമായെന്നും അഭിലാഷിന്റെ മൊഴിയിലുണ്ട്. റിമാന്ഡ് റിപ്പോര്ട്ടിലാണ് അഭിലാഷിന്റെ മൊഴിയിലെ വിവരങ്ങള് വ്യക്തമാക്കിയിട്ടുള്ളത്. അതേസമയം, അഭിലാഷ് കൊല നടത്താന് ഉപയോഗിച്ച ആയുധം വാങ്ങിയത് ഗള്ഫില് നിന്നാണെന്ന് അന്വേഷണ സംഘത്തിന് വിവരം ലഭിച്ചു.
സത്യനാഥന് തന്നെ മനപൂര്വം അവഗണിച്ചു; പാര്ട്ടി പ്രവര്ത്തനത്തില് നിന്ന് മാറ്റി നിര്ത്തി; കൊല നടത്താന് ഉപയോഗിച്ച ആയുധം വാങ്ങിയത് ഗള്ഫില് നിന്ന്; അഭിലാഷിന്റെ മൊഴി പുറത്ത്
