കേരളാ പൊലീസില് നിന്ന് തനിക്കും പര്ദ്ദ ധരിച്ചെത്തിയ അമ്മയ്ക്കും വസ്ത്രത്തിന്റെ പേരില് മോശം അനുഭവമുണ്ടായെന്ന യുവാവിന്റെ വെളിപ്പെടുത്തല് കഴിഞ്ഞ ദിവസങ്ങളിൽ ഏറെ ചർച്ചയും വിവാദമായിരുന്നു. ലോക്ക് ഡൌൺ ദിനമായ ഞായറാഴ്ച രാവിലെ കായംകുളം എം.എസ്.എം കോളേജില് പഠിക്കുന്ന സഹോദരിയെ വിളിക്കാന് പോകുന്നതിനിടെ തനിക്കും മാതാവിനും പൊലീസില് നിന്നുണ്ടായ മോശം അനുഭവമാണ് അഫ്സല് എന്ന കോണ്ഗ്രസ് പ്രവര്ത്തകന് തന്റെ ഫേസ്ബുക്ക് പോസ്റ്റിലൂടെ പങ്കുവച്ചിരുന്നത്.
കേരള പോലീസിലെ സംഘിയെ കണ്ടുമുട്ടി എന്ന തലക്കെട്ടിലാണ് പോലീസ് ഉദ്യോഗസ്ഥനെതിരെ അഫ്സൽ കുറിപ്പ് പങ്കുവെച്ചത്.ഇതിന് മറുപടിയുമായി രംഗത്തെത്തിയിരിക്കുകയാണ് കൊല്ലം എം.എല്.എ എം. മുകേഷ്. ദുരനുഭവം നേരിട്ടതായി ഫേസ്ബുക്കില് ആരോപിച്ച അഫ്സലിന്റെ ഫേസ്ബുക്കിലെ പഴയ പേരായ ആര്യന് മിത്രഎന്ന ഐഡില് നിന്ന് മുകേഷിന്റെ പേജില് തെറി പറഞ്ഞന്റെ സ്ക്രീന്ഷോട്ടാണ് അദ്ദേഹം പങ്കുവെച്ചിരിക്കുന്നത്. അന്ന് മറുപടി കൊടുത്തതിന്റെ സ്ക്രീന്ഷോട്ട് സഹിതമാണ് എംഎല്എയുടെ ഫെയ്സ്ബുക്ക് പോസ്റ്റ്.
എം എൽ എ യുടെ പോസ്റ്റ്
ചില കണക്കുകൂട്ടലുകള് അത് തെറ്റാറില്ല. ഇവനാണ് കായംകുളത്ത് പൊലീസ് ഓഫീസറെ വര്ഗീയവാദിയാക്കാന് ശ്രമിച്ചവന്. അന്ന് ഇവന്റെ പേര് ആര്യന് മിത്ര എന്നായിരുന്നു,’ എന്നാണ് സ്ക്രീന്ഷോട്ട് പങ്കുവെച്ച് മുകേഷ് ഫേസ്ബുക്കില് എഴുതിയിരിക്കിന്നത്. തെറി പറയുന്ന അഫ്സലിന്റെ കമന്റിന്‘എന്തിനാ തന്തയെ പറയിക്കുന്നേ’ എന്ന് മുകേഷ് മറുപടിയും പറയുന്നുണ്ട്.
