തിരുവനന്തപുരം: പ്രളയത്തില്‍ വലിയ സഹായം നല്‍കി സോഷ്യല്‍ മീഡിയയിലടക്കം വലിയ അംഗീകാരം ലഭിച്ച തിരുവനന്തപുരം മേയര്‍ വി.കെ പ്രശാന്ത് വട്ടിയൂര്‍ക്കാവില്‍ എല്‍ഡിഎഫ് സ്ഥാനാര്‍ഥിയാകുമെന്ന് സൂചന. നാളെ കൂടുന്ന സംസ്ഥാന സെക്രട്ടേറിയറ്റ് സ്ഥാനാര്‍ഥിയാരെന്നുള്ള കാര്യത്തില്‍ അന്തിമ തീരുമാനം കൈക്കൊള്ളും.
യുവാക്കള്‍ക്കിടയില്‍ ഏറ്റവും സ്വാധീനമുള്ള നേതാവാണ് വി.കെ പ്രശാന്ത്. കഴിഞ്ഞ പ്രളയ കാലത്ത് സംസ്ഥാനത്തിന്റെ വിവിധ ഭാഗങ്ങളിലേക്ക് സാധനങ്ങള്‍ ശേഖരിച്ച് എത്തിക്കുന്നതിന് വി.കെ പ്രശാന്ത് നല്‍കിയ നേതൃത്വത്തെ നിരവധി പേര്‍ അഭിനന്ദിച്ചിരുന്നു. മേയര്‍ എന്ന നിലയിലുള്ള വി.കെ പ്രശാന്തിന്റെ പ്രവര്‍ത്തനങ്ങളും ശ്രദ്ധേയമായിട്ടുണ്ട്. ഇതാണ് സ്ഥാനാര്‍ത്ഥിയാക്കാന്‍ നിര്‍ദ്ദേശിക്കാന്‍ പ്രധാന കാരണം.
