കോഴിക്കോട് വി കെ കൃഷ്ണ മേനോന്‍ ഇന്‍ഡോര്‍ സ്റ്റേഡിയത്തില്‍ വച്ച് 33മത് കോഴിക്കോട് ജില്ല സീനിയര്‍ (ആണ്‍ പെണ്‍)വൂഷു ചാംപ്യന്‍ഷിപ് കോഴിക്കോട് ജില്ലാ സ്‌പോര്‍ട്‌സ് കൗണ്‍സില്‍ പ്രസിഡണ്ട് ഒ . രാജഗോപാല്‍ ഉദ്ഘാടനം ചെയ്തു. കോഴിക്കോട് വൂഷു അസോസിയേഷന്‍ സെക്രട്ടറിയും അന്താരാഷ്ട്ര വൂഷു എ ഗ്രേഡ് ജഡ്ജുമായ ഡോ.ആരിഫ് സിപി സ്വാഗതം പറഞ്ഞു. ജില്ലാ വൂഷു അസോസിയേഷന്‍ പ്രസിഡന്റ് സെയ്താലി എപി അധ്യക്ഷത വഹിച്ചു. ഇരുപതോളം ക്ലബ്ബുകളില്‍ നിന്നായി 250 ഓളം മത്സരാര്‍ത്ഥികള്‍ പങ്കെടുത്തു. ചാമ്പ്യന്‍ഷിപ്പില്‍ സാന്ത വിഭാഗത്തില്‍ പാലാഴി ക്ലബ് ഓവറോള്‍ ചാമ്പ്യന്മാരായി, കൊടുവള്ളി വൂഷു ക്ലബ് ഫസ്റ്റ് റണ്ണറപ്പ് കരസ്ഥമാക്കി, യിന്‍ യാങ് എസ് എം എ സെക്കന്റ് റണ്ണറപ്പും കരസ്ഥമാക്കി, തൗലൂ വിഭാഗത്തില്‍ യിന്‍ യാങ് എസ് എം എ ഓവറോള്‍ ചാമ്പ്യന്മാരായി. പാലാഴി വൂഷു ക്ലബ്ബ് ഫസ്റ്റ് റണ്ണറപ്പും യുഎംഎഐ ഡബ്യുആര്‍സി സെക്കന്‍ഡ് റണ്ണറപ്പും കരസ്ഥമാക്കി. ടോട്ടല്‍ ഓവര്‍ഓളില്‍ പാലാഴി വൂഷു ക്ലബ്ബ് ചാമ്പ്യന്മാരായി, യിന്‍ യാങ് ക്ലബ് ഫസ്റ്റ് റണ്ണറപ്പും , യുഎംഎഐ വൂഷു ക്ലബ് സെക്കന്‍ഡ് റണ്ണറപ്പും കരസ്ഥമാക്കി. ചാമ്പ്യന്‍ഷിപ്പില്‍ ഒന്നും രണ്ടും സ്ഥാനം കരസ്ഥമാക്കിയ മത്സരാര്‍ത്ഥികള്‍ സെപ്റ്റംബര്‍ 3 4 തീയതികളില്‍ കോഴിക്കോട് വികെ കൃഷ്ണ മേനോന്‍ ഇന്‍ഡോര്‍ സ്റ്റേഡിയത്തില്‍ വച്ച് നടക്കുന്ന സംസ്ഥാന വൂഷു ചാമ്പ്യന്‍ഷിപ്പിലേക്ക് പങ്കെടുക്കും.
ഇന്‍ഡോര്‍ സ്റ്റേഡിയത്തില്‍ വച്ച് 33മത് കോഴിക്കോട് ജില്ല സീനിയര്‍ പുരുഷ വനിതാ വൂഷു ചാംപ്യന്‍ഷിപ്
