കോഴി കോടതിയിൽ: ഉടമസ്ഥനില്ലാത്തിനാൽ100 രൂപക്ക് ലേലത്തിൽ വിറ്റു
അതി രസകരമായ സംഭവത്തിന് സാക്ഷിയായി കുന്ദമംഗലം ചീഫ് ജുഡീഷ്യൽ മജിസ്ട്രേറ്റ് കോടതി.കേസുകൾക്കിടയിൽ ഇന്ന് ഒരു കോഴി വന്ന് പെട്ടതാണ് കോടതിയിൽ ആകെ ബഹളമായത് . കുന്ദമംഗലം കോടതിയിൽ വന്ന് പെട്ട ഈ പിട കോഴിയെ വാച്ച്മാൻ പിടിച്ച് വെക്കുകയും മജിസ്ട്രേറ്റ് കുന്ദമംഗലം പോലീസിനെ വിവരം അറിയിക്കുകയും ചെയ്തു.
ശേഷം പോലീസ് വന്ന് കോഴിയുടെ ഉടമസ്ഥനെ തിരഞ്ഞെങ്കിലും കിട്ടിയില്ല.അവസാനം ഉടമസ്ഥിനില്ലാത്തതിനാൽ ഈ കോഴിയെ ലേലം ചെയ്യാൻ തീരുമാനിക്കുകയായിരുന്നു. ഏറെ കൗതുകം ഈ ലേലം പോയത് 100 രൂപക്കാണ്.കോടതി ഏൽപ്പിച്ച ഈ കോഴിക്കെതിരെ കുന്ദമംഗലം പോലീസ് കേസ് രജി്ട്രർ ചെയ്ത ശേഷമാണ് ലേലത്തിൽ പോയത്.
