ന്യൂഡല്ഹി: രാജ്യത്തെ നടുക്കിയ പഹല്ഗാം ഭീകരാക്രമണത്തില് വിശദീകരണവുമായി പാകിസ്താന് രംഗത്ത്. തങ്ങള്ക്ക് പങ്കില്ലെന്നും എല്ലാ ഭീകരതയെയും തങ്ങള് എതിര്ക്കുമെന്നുമാണ് പാകിസ്താന് പറഞ്ഞത്. പാകിസ്താന് പ്രതിരോധ വകുപ്പ് മന്ത്രിയാണ് വിശദീകരണവുമായി രംഗത്തുവന്നത്.
അതേസമയം, രാജ്യത്തെയാകെ ഞെട്ടിച്ച പഹല് ഗാം ഭീകരാക്രമണത്തിന്റെ സൂത്രധാരന് ലഷ്കര് നേതാവ് സെയ്ഫുള്ള കസൂരിയെന്നുള്ള സൂചനകള് ഇപ്പോള് പുറത്തു വരുന്നുണ്ട്. ബൈസരന് വാലിയില് നടന്നത് ലഷ്കര് – ഐഎസ്ഐ ആസൂത്രിത ആക്രമണമെന്ന് സുരക്ഷാ ഏജന്സികള് വിലയിരുത്തുന്നത്. ലഷ്കര് ഇ തൊയ്ബയുടെ പങ്ക് ഔദ്യോഗികമായി സ്ഥിരീകരിച്ചിട്ടുണ്ട്.
ഭീകരരെത്തിയത് രണ്ട് ബൈക്കുകളിലായാന്നെയാണ് സൂചന. അതേസമയം, സൗദി അറേബ്യയില് നിന്നും തിരിച്ചെത്തിയ പ്രധാനമന്ത്രി വിമാനത്താവളത്തില് അടിയന്തര യോഗം ചേര്ന്നു. എസ് ജയശങ്കര്, അജിത് ഡോവല് വിക്രം മിസ്രി എന്നിവരുമായാണ് കൂടിക്കാഴ്ച നടത്തിയത്.
