നമ്പര് 18 പോക്സോ കേസ് മൂന്നാം പ്രതി അഞ്ജലി റിമാദേവ് ചോദ്യം ചെയ്യലിന് ഹാജരായി. ആറ് പേരുടെ ഗൂഢാലോചനയിൽ ഉണ്ടായതാണ് ഇപ്പോഴത്തെ പോക്സോ കേസെന്ന് അവർ പറഞ്ഞു. കോഴിക്കോട് കേന്ദ്രീകരിച്ച് പരാതിക്കാരി ഉൾപ്പടെ കള്ളപ്പണ ഇടപാട് നടത്തിയിരുന്നതായും ഇതിന്റെ ഇടനിലക്കാരിയാണ് ഈ കേസിലെ പരാതിക്കാരിയായ യുവതിയെന്നും അഞ്ജലി ആരോപിച്ചു . താൻ ഇക്കാര്യം പുറത്ത് പറയുമോയെന്ന ഭയം കാരണമാണ് തനിക്കെതിരെ പരാതി ഉയർത്തുന്നതെന്നും അവർ പറഞ്ഞു.
തന്നെ കുടുക്കിയത് പരാതിക്കാരിയായ വ്ലോഗറും എം.എൽ.എയുടെ ഭാര്യയും ചേർന്നാണെന്നും അഞ്ജലി പറയുന്നു. കൊച്ചി സിറ്റി പൊലീസ് കമ്മിഷണർ ഓഫീസിലാണ് രണ്ടാംഘട്ട ചോദ്യം ചെയ്യൽ പുരോഗമിക്കുന്നത്.
നേരത്തെ അന്വേഷണ സംഘം വെളിപ്പെടുത്തിയിരുന്നത് അഞ്ജലി അന്വേഷണത്തോട് സഹകരിക്കുന്നില്ലെന്നായിരുന്നു,. അഞ്ജലിയുടെ മൊഴിയില് വൈരുധ്യമുണ്ടെന്നും അന്വേഷണ ഉദ്യോഗസ്ഥര് പറയുന്നു . കേസില് മൂന്നാം പ്രതിയായ അഞ്ജലി റിമാ ദേവിന് ഹൈക്കോടതി ജാമ്യം അനുവദിച്ചിരുന്നു.
നമ്പര് 18 പോക്സോ കേസില് ഹോട്ടല് ഉടമ റോയ് വയലാറ്റിനും സുഹൃത്ത് സൈജു തങ്കച്ചനുമാണ് ഒന്നും രണ്ടും പ്രതികള്.
