രാജ്യത്ത് ഒമൈക്രോണിന്റെ സമൂഹവ്യാപനം നടന്നതായി ജനിതക പഠനറിപ്പോർട്ട്. മെട്രോ നഗരങ്ങളിൽ രോഗികൾ കൂടിയത് സമൂഹവ്യാപനം മൂലമെന്ന് പഠനങ്ങൾ പറയുന്നു.ആരോഗ്യമന്ത്രാലയത്തിന് കീഴിലുള്ള ജീനോം സ്വീക്വൻസിങ് കൺസോർഷ്യത്തിന്റേതാണ് പഠനം.വിവിധ സംസ്ഥാനങ്ങളില്നിന്ന് വൈറസ് സാംപിളുകള് ശേഖരിച്ച് അവയുടെ ജനിതക പ്രവര്ത്തനങ്ങളെക്കുറിച്ച് പഠിക്കാന് രൂപവത്കരിച്ച പത്ത് ദേശീയ ലബോറട്ടറികളുടെ കണ്സോര്ഷ്യമാമാണ് ഇന്സാകോഗ്.
‘ഒമിക്രോണ് ഇപ്പോള് ഇന്ത്യയില് സമൂഹവ്യാപനത്തിലാണ്. പുതിയ കേസുകള് ക്രമാതീതമായി വര്ദ്ധിച്ചുകൊണ്ടിരിക്കുന്ന ഒന്നിലധികം മെട്രോകളില് ഒമിക്രോണ് ആധിപത്യം സ്ഥാപിച്ചിട്ടുണ്ട്. അടുത്തിടെ റിപ്പോര്ട്ട് ചെയ്യപ്പെട്ട B.1.640.2 വകഭേദം നിരീക്ഷിച്ചുവരുന്നു. അതിവേഗം പടരുന്നതിന്റെ തെളിവുകളൊന്നുമില്ല, പ്രതിരോധശേഷിയെ മറികടക്കാനുള്ള സവിശേഷതകളുണ്ടെങ്കിലും, ഇത് നിലവില് ആശങ്കയുടെ വകഭേദമല്ല. ഇന്ത്യയില് ഇതുവരെ ഒരു കേസും കണ്ടെത്തിയിട്ടില്ല’ – ഇന്സാകോഗ് പറഞ്ഞു.
രണ്ടാം തരംഗത്തെ അപേക്ഷിച്ച് അതിവേഗത്തിലുള്ള രോഗവ്യാപനമാണ് മൂന്നാംതരംഗത്തിൽ റിപ്പോർട്ട് ചെയ്തിട്ടുള്ളത്. വിദേശയാത്ര നടത്തിയിട്ടില്ലാത്ത നിരവധിപേർക്ക് രോഗം സ്ഥിരീകരിച്ചതിനെ തുടർന്ന് ജിനോം പരിശോധന മഹാരാഷ്ട്ര അടക്കമുള്ള സംസ്ഥാനങ്ങൾ നിർത്തിവെച്ചിരുന്നു.
ഇന്ത്യയില് ഒമിക്രോണ് സമൂഹവ്യാപന ഘട്ടത്തില്
![](https://kunnamangalamnews.com/wp-content/uploads/2022/01/120337879_gettyimages-1234943885.jpg)