ഇരുപത്തിയെട്ടു വര്ഷം നീണ്ട കാത്തിരിപ്പിനൊടുവിൽ സിസ്റ്റര് അഭയ കൊലപാതക കേസില് വിധി ഇന്ന്. സിസ്റ്റര് അഭയ കൊലക്കേസിലെ പ്രതികള് കോടതിയിലെത്തിയിട്ടുണ്ട് . അഭയ കേസിലെ പ്രതികളായ ഫാ. തോമസ് എം. കോട്ടൂര്, സിസ്റ്റര് സെഫി എന്നിവരാണ് കോടതിയില് എത്തിയത്. രാവിലെ 10.20 ഓടെയാണ് ഇവര് കോടതിയിലേക്ക് എത്തിയത്. അഭയ കൊലക്കേസില് 11 മണിയോടെയാണ് വിധി വരിക.
തിരുവനന്തപുരം സിബിഐ പ്രത്യേക കോടതിയാണ് വിധി പറയുന്നത്. ഒരു വര്ഷവും മൂന്നര മാസവും കൊണ്ട് വിചാരണ പൂര്ത്തിയാക്കിയാണ് വിധി പറയുന്നത്.
