തിരുവനന്തപുരം: വെള്ളറടയില് ജനവാസ മേഖലയില് കരടിയിറങ്ങി. പ്രദേശത്തെ റബ്ബര് ടാപ്പിങ് തൊഴിലാളികളാണ് ആദ്യം കരടിയിറങ്ങിയത് കണ്ടത്. പിന്നാലെ ഇവര് പഞ്ചായത്ത് അധികൃതര്ക്ക് വിവരം നല്കുകയായിരുന്നു. ഈ പ്രദേശത്ത് നിരീക്ഷണം ശക്തമാക്കിയിട്ടുണ്ടെന്നാണ് വനം വകുപ്പ് അറിയിച്ചത്.
കരടി റോഡിലൂടെ നടക്കുന്നതും പട്ടികളെ ഓടിക്കുന്നതും വ്യക്തമാക്കുന്ന സിസിടിവി ദൃശ്യങ്ങള് പുറത്തുവന്നിട്ടുണ്ട്. രണ്ടുദിവസം മുന്പാണ് ടാപ്പിങ് തൊഴിലാളികള് കരടിയിറങ്ങിയത് കണ്ടത്. ഈ പ്രദേശത്ത് മുന്പും കരടിയുടെ ആക്രമണമുണ്ടായിട്ടുണ്ട്. വരും ദിവസങ്ങളിലും കരടി സാന്നിധ്യം കാണുകയാണെങ്കില് കൂട് സ്ഥാപിക്കുമെന്നാണ് വനം വകുപ്പ് അധികൃതര് അറിയിച്ചിട്ടുള്ളത്.
