എ.പി.ജെ അബ്ദുല് കലാം സാങ്കേതിക സര്വകലാശാലയുടെ വൈസ് ചാന്സലര് ഡോ. രാജശ്രീ എം.എസിന്റെ നിയമനം റദ്ദാക്കി സുപ്രീം കോടതി.നിയമനം യുജിസി ചട്ടപ്രകാരമല്ലെന്ന ഹർജിയിലാണ് ജസ്റ്റിസ് എം ആർ ഷാ അധ്യക്ഷനായ ബെഞ്ചിന്റെ ഉത്തരവ്,2019 ഫെബ്രുവരി രണ്ടിനാണ് ഡോ.രാജശ്രീ എം. എസിനെ സാങ്കേതിക സര്വകലാശാല വൈസ് ചാന്സലറായി നിയമിച്ച് ഗവര്ണര് ഉത്തരവ് ഇറക്കിയത്. എന്നാല് ഈ നിയമനം യുജിസി ചട്ടങ്ങള് പ്രകാരം അല്ലെന്ന് ചൂണ്ടിക്കാട്ടി കുസാറ്റിലെ (കൊച്ചി ശാസ്ത്ര സാങ്കേതിക സര്വകലാശാല) എന്ജിനീയറിങ് ഫാക്കല്റ്റി മുന് ഡീന് ഡോ. ശ്രീജിത്ത് പി. എസ്.ആണ് ഹർജി നൽകിയത്.സാങ്കേതിക സർവകലാശാല വിസിയായി ഡോ. എം എസ് രാജശ്രീയെ നിയമിച്ചത് യു ജി സി ചട്ടപ്രകാരമല്ലെന്ന് സുപ്രീംകോടതി നേരത്തെ നിരീക്ഷിച്ചിരുന്നു. നിയമനത്തിന് ചാൻസലർക്ക് പാനൽ കൈമാറുന്നതിന് പകരം ഒരു വ്യക്തിയുടെ പേര് മാത്രമാണ് കൈമാറിയതെന്ന് കോടതി വ്യക്തമാക്കിയിരുന്നു. മൂന്നു പേരുകള് നിര്ദേശിക്കണമെന്നും ഇതില്നിന്ന് ഒരാളെ നിയമിക്കണമെന്നുമാണ് യുജിസി മാനദണ്ഡത്തില് പറയുന്നത്.
ചട്ടപ്രകാരമല്ലെന്ന് സുപ്രീം കോടതി സാങ്കേതിക സര്വകലാശാലാ വിസി നിയമനം റദ്ദാക്കി
