സ്പ്രിംക്ളര് വിവാദത്തില് മുഖ്യമന്ത്രിക്ക് പൂര്ണ പിന്തുണയുമായി സിപിഐഎം. കൊവിഡ് പ്രതിരോധ പ്രവര്ത്തനങ്ങളുമായി സര്ക്കാര് ശക്തമായി മുന്നോട്ട് പോകണമെന്നും പ്രതിരോധ പ്രവര്ത്തനങ്ങളെ അട്ടിമറിക്കാനുള്ള ശ്രമമാണ് പ്രതിപക്ഷം നടത്തുന്നതെന്നും സംസ്ഥാന സെക്രട്ടേറിയറ്റ് അപിപ്രായപ്പെട്ടു. മാധ്യമങ്ങളില് ഒരു വിഭാഗവും ഉത്തരവാദിത്വം മറന്ന് തെറ്റായ കാര്യങ്ങള് പ്രചരിപ്പിക്കുകയാണെന്നും സിപിഎം സംസ്ഥാന സെക്രട്ടേറിയറ്റ് പ്രസ്താവനയിലൂടെ ആരോപിക്കുന്നു.
സംസ്ഥാന സെക്രട്ടേറിയറ്റില് നടന്ന ചര്ച്ചയിലാണ് മുഖ്യമന്ത്രി പിണറായി വിജയനും സര്ക്കാരിനും പൂര്ണപിന്തുണ സിപിഎം സംസ്ഥാന ഘടകം നല്കിയത്. ഇന്ന് നടന്ന സിപിഎം സംസ്ഥാന സെക്രട്ടേറിയറ്റില് മുഖ്യമന്ത്രി നേരിട്ട് പങ്കെടുത്തിരുന്നുവെങ്കിലും ഇക്കാര്യത്തില് മുഖ്യമന്ത്രിക്ക് വിശദീകരണം നല്കുക പോലും ചെയ്യേണ്ടി വന്നില്ല.
