കാരന്തുർ : മർക്കസ് ഹയർസെക്കണ്ടറി സ്കൂളിൽ ട്രാഫിക് ബോധവൽക്കരണ ക്ലബ്ബ് ‘സുരക്ഷിതമാർഗ്ഗിന്’ തുടക്കമായി. സ്കൂളിലെ എഴുനൂറിലധികം പ്ലസ് വൺ, പ്ലസ് റ്റു – വിദ്യാർത്ഥികളിൽ ട്രാഫിക് ബോധവൽക്കരണം സാധ്യമാക്കുക എന്നലക്ഷ്യത്തോടെയാണ് ഈ ക്ലബ്ബ് രൂപീകരിച്ചത്.
മർക്കസ് ഹയർസെക്കണ്ടറി സ്കൂൾ പിടിഎ പ്രസിഡന്റും ജാമിഅ മർകസ് മീഡിയ-കമ്മ്യൂണിക്കേഷൻ ജോയിൻ ഡയറക്ടറുമായ ഷമീം കെ. കെ. യുടെ അധ്യക്ഷതയിൽ വിജിലൻസ് ആൻഡ് ആൻറി കറപ്ഷൻ ബ്യൂറോ കോഴിക്കോട് സെൽ പോലീസ് സൂപ്രണ്ട് അബ്ദുൽ റസാക്ക് കെ. പി. പരിപാടി ഉൽഘാടനം ചെയ്തു.
കോഴിക്കോട് മുൻ ആർ. ടി. ഒ. യും സുരക്ഷിത് മാർഗിന്റെ ജില്ലാ ചീഫുമായ സുഭാഷ് ബാബു ടി.കെ., ജാമിഅ മർകസ് ഡയറക്ടർ സി. പി. ഉബൈദുള്ള സഖാഫി, കോഴിക്കോട് പോപ്പുലർ ബ്രാഞ്ച് അസിസ്റ്റൻറ് എച്ച് ആർ മാനേജർ ചഞ്ചൽ എന്നിവർ മുഖ്യാതിഥികളായിരുന്നു.കോഴിക്കോട് സിറ്റി ട്രാഫിക് എൻഫോഴ്സ്മെന്റ് അസിസ്റ്റൻറ് സബ് ഇൻസ്പെക്ടർ ഷാജു വി. ട്രാഫിക് ബോധവൽക്കരണ ക്ലാസിന് നേതൃത്വം നൽകി.
ജാമിഅ മർക്കസിന്റെ എജുക്കേഷൻ അസോസിയേറ്റ് ഡയറക്ടർ ഉനൈസ് മുഹമ്മദ്, മർക്കസ് ഹയർസെക്കണ്ടറി സ്കൂൾ വൈസ് പ്രിൻസിപ്പാൾ മുഹമ്മദ് ബഷീർ പി, കുന്ദമംഗലം ഗ്രാമ പഞ്ചായത്ത് മെമ്പർ ചന്ദ്രൻ, മർക്കസ് ഹയർസെക്കണ്ടറി സ്കൂൾ സ്റ്റാഫ് സെക്രട്ടറി കെ അബ്ദുൽ കലാം, മർകസ് എന്നിവർ സംബന്ധിച്ചു. മർക്കസ് ഹയർസെക്കണ്ടറി സ്കൂൾ പ്രിൻസിപ്പാൾ മൂസകോയ മാവിളി സ്വാഗതവും മർക്കസ് ഹയർസെക്കണ്ടറി സ്കൂൾ സുരക്ഷിതമാർക്ക് കോഡിനേറ്റർ അനീസ് മുഹമ്മദ് ജി നന്ദിയും പറഞ്ഞു.
