പാലക്കാട് കഞ്ചിക്കോട് കൈരളി സ്റ്റീൽ ഫാക്ടറിയിൽ പൊട്ടിത്തെറി. അപകടത്തിൽ ഒരാൾ മരണപ്പെട്ടു. ഓമല്ലൂർ രാമവിലാസം പ്രദീഷിന്റെയും രാജശ്രീയുടെയും മകനായ എക്സ്കവേറ്റർ ഓപ്പറേറ്റർ അരവിന്ദനാണ് മരണപ്പെട്ടത്. വാഹനത്തിനുള്ളിൽ കുടുങ്ങി കത്തി കരിഞ്ഞ നിലയിലായിരുന്നു അരവിന്ദന്റെ മൃതദേഹം. ഇന്ന് രാവിലെ ആറ് മണിയോടെ നടന്ന പൊട്ടിത്തെറിയിൽ മൂന്ന് അതിഥി തൊഴിലാളികൾക്ക് പരിക്കുണ്ട്. പരുക്കേറ്റവരെ ആശുപത്രിയിൽ പ്രവേശിപ്പിച്ചു. ഫർണസ് പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക നിഗമനം. മണിക്കൂറുകൾ നീണ്ട പരിശ്രമത്തിനൊടുവിൽ തീ അണച്ചു .
പാലക്കാട് സ്റ്റീൽ ഫാക്ടറിയിൽ പൊട്ടിത്തെറി; ഒരു മരണം;മൂന്ന് പേർക്ക് പരിക്ക്
