ഒന്നര മാസം നീണ്ടു നിന്ന സൂര്യ അവധിക്കാല വോളി കോച്ചിംഗ് ക്യാമ്പ് സമാപിച്ചു. ക്യാമ്പില്‍ 60 കുട്ടികള്‍ പങ്കെടുത്തു. സമാപന ചടങ്ങ് കുന്നമംഗലം ബ്ലോക്ക് പഞ്ചായത്ത് പ്രസിഡന്റ് ശ്രീ ബാബു നെല്ലൂളി ഉദ്ഘാടനം ചെയ്തു.
എസ് ബി ഐ എന്‍ഐടി ശാഖാ മാനേജര്‍ ശ്രീ എസ്. ശ്രീനാഥ് മുഖ്യാഥിതി ആയിരുന്നു. സൂര്യ ആര്‍ട്‌സ് & സ്‌പോര്‍ട്‌സ് ക്ലബ്ബ് പ്രസിഡന്റ് അരുണ്‍ മോഹന്‍ ചടങ്ങിന് അഷ്യക്ഷത വഹിച്ചു. ക്ലബ് സെക്രട്ടറി സജിത്ത് ബി കെ സ്വാഗതം ആശംസിച്ചു. വാര്‍ഡ് മെമ്പര്‍ വിദ്യുത് ലതാ, എന്‍ പി രാമചന്ദ്രന്‍ എന്നിവര്‍ സംസാരിച്ചു. ജഫതാഷ് സി കെ നന്ദി രേഖപ്പെടുത്തി.
ചടങ്ങില്‍ ക്യാമ്പിന്റെ മുഖ്യ പരിശീലകന്‍ ശ്രീ വിനീഷ് മാസ്റ്റര്‍, സംസ്ഥാന ജൂനിയര്‍ ചാമ്പ്യന്‍ഷിപ്പില്‍ വിജയിച്ച കോഴിക്കോട് ടീം ക്യാപ്റ്റന്‍ അര്‍ജുന്‍ എം, സി കെ മുഹമ്മദ് എന്നിവരെ ആദരിച്ചു. ക്യാമ്പിലെ കുട്ടികള്‍ക്ക് സര്‍ട്ടിഫിക്കറ്റ് വിതരണവും നടന്നു. റെഗുലര്‍ വോളി ബോള്‍ പരിശീലനം തുടരും എന്ന് ക്ലബ് അധികൃതര്‍ അറിയിച്ചു.
