കേരള ചലച്ചിത്ര അക്കാദമി തളിപ്പറമ്പിൽ സംഘടിപ്പിക്കുന്ന ഹാപ്പിനെസ് ഇന്റർനാഷണൽ ഫിലിം ഫെസ്റ്റിവലിൽ നിന്നും ”ഫ്രീഡം ഫെെറ്റ്” സിനിമ പിൻവലിക്കുന്നതായി സംവിധായകൻ ജിയോ ബേബി.ജാതിവിവേചനവുമായി ബന്ധപ്പെട്ട ആരോപണം നേരിടുന്ന കെ.ആര്. നാരായണന് നാഷണല് ഇന്സ്റ്റിറ്റ്യൂട്ട് ഓഫ് വിഷ്വല് സയന്സ് ആന്ഡ് ആര്ട്സിലെ ഡയറക്ടര് ശങ്കര് മോഹനെ പിന്തുണയ്ക്കുന്ന നിലപാടാണ് അടൂര് സ്വീകരിക്കുന്നതെന്നാണ് വിദ്യാര്ഥികള് പറയുന്നത്. ഫിലിം ഇന്സ്റ്റിറ്റ്യൂട്ടില് ഏകാധിപത്യ ഭരണം നടത്തി കുട്ടികളുടെ ഭാവി നശിപ്പിക്കുന്ന അടൂര് ഗോപാലകൃഷ്ണന് മേളയുടെ ഉദ്ഘാടകന് ആവുന്നതില് പ്രധിഷേധിച്ചാണ് സിനിമ പിന്വലിക്കുന്നതെന്ന് ജിയോ ബേബി കുറിച്ചു.
ജിയോ ബേബിയുടെ കുറിപ്പ്
ഫ്രീഡം ഫൈറ്റ് സ്വാതന്ത്ര്യ സമരം എന്ന ഞങ്ങളുടെ സിനിമ ഹാപ്പിനസ് ഇന്റര്നാഷ്ണല് ഫെസ്റ്റിവലില് തിരഞ്ഞെടുക്കപെട്ടിട്ടുള്ളതാണ്. സിനിമ
ഹാപ്പിനസ് ഇന്റര്നാഷ്ണല് ഫിലിമില് നിന്നും നിന്നും ഞങ്ങള് പിന്വലിക്കുകയാണ്. ഇത്ര അധികം ആരോപണങ്ങള് നേരിടുന്ന , കെ.ആര് നാരായണന് ഫിലിം ഇന്സ്റ്റിറ്റ്യൂട്ടില് ഏകാധിപത്യ ഭരണം നടത്തി കുട്ടികളുടെ ഭാവി നശിപ്പിക്കുന്ന അടൂര് ഗോപാലകൃഷ്ണന് മേളയുടെ ഉദ്ഘാടകന് ആവുന്നതില് പ്രധിഷേധിച്ചാണ് സിനിമ പിന്വലിക്കുന്നത്.സര്ക്കാരിന്റെ / ചലച്ചിത്ര അക്കാദമിയുടെ ഈ തീരുമാനത്തെ ശക്തമായി എതിര്ക്കുന്നു.
കെ.ആര് നാരായണന് ഫിലിം ഇന്സ്റ്റിറ്റിയട്ട് ചെയര്മാന് അടൂര് ഗോപാലകൃഷ്ണന് ഡയറക്ടര് ശങ്കര് മോഹന് ഇവര്ക്കെതിരെ നിയമ നടപടികള് സ്വീകരിക്കണം എന്നും ആവശ്യപ്പെടുന്നു.
ഡിസംബർ 19 മുതൽ 21 വരെയാണ് ഹാപ്പിനെസ് ഫിലിം ഫെസ്റ്റിവൽ സംഘടിപ്പിക്കുന്നത്. കേരള രാജ്യാന്തര ചലച്ചിത്രമേളയിലെ മികച്ച ചിത്രങ്ങളാണ് മേളയിൽ പ്രദർശിപ്പിക്കുക.
