ബസും സ്കൂട്ടറും കൂട്ടിയിടിച്ചുണ്ടായ അപകടത്തില് ലോഡ്ജ് ഉടമയ്ക്ക് ദാരുണാന്ത്യം. തെള്ളകം ഹോളിക്രോസ് സ്കൂളിന് സമീപം മ്യാലില് എം കെ ജോസഫ് (77) ആണ് മരിച്ചത്. എംസി റോഡില് തെള്ളകം ജംഗ്ഷനില് വച്ച് വ്യാഴാഴ്ച രാത്രി 9.30 മണിയോടെയാണ് സൂപ്പര്ഫാസ്റ്റ് ബസും സ്കൂട്ടറും കൂട്ടിയിടിച്ചത്.
37 വര്ഷങ്ങള്ക്ക് മുന്പ് ജോസഫിന്റെ മകള് അപകടത്തില് മരിച്ച അതേസ്ഥലത്ത് ഇന്നലെ രാത്രിയുണ്ടായ അപകടത്തിലായിരുന്നു അദ്ദേഹത്തിന്റെയും മരണം. മകള് ജോയ്സ് 1985ല് റോഡ് കടക്കുന്നതിനിടെ കാറിടിച്ചാണു മരിച്ചത്. റിട്ട. സര്വേ സൂപ്രണ്ടും ജോയ്സ് ലോഡ്ജ് ഉടമയുമാണ് എം.കെ.ജോസഫ്.
വീട്ടില്നിന്ന് കാരിത്താസ് ജംഗ്ഷനിലെ ലോഡ്ജിലേക്ക് പോകുന്നതിനിടെയാണ് അപകടം. തൃശൂര് പത്തനാപുരം സൂപ്പര്ഫാസ്റ്റ് ബസ് മറ്റൊരു വാഹനത്തെ മറികടക്കുന്നതിനിടെ സ്കൂട്ടറില് ഇടിക്കുകയായിരുന്നുവെന്ന് പൊലീസ് വ്യക്തമാക്കി.