തൃശ്ശൂര്: നിപ രോഗബാധയെന്ന സംശയത്തിന്റെ അടിസ്ഥാനത്തില് 15 വയസുകാരി ചികിത്സയില്. തൃശ്ശൂര് മെഡിക്കല് കോളേജിലാണ് പെരിന്തല്മണ്ണ സ്വദേശിയായ 15 വയസുകാരിയെ ചികിത്സയ്ക്ക് പ്രവേശിപ്പിച്ചിരിക്കുന്നത്. ഇന്നലെ രാത്രിയാണ് കുട്ടിയെ മെഡിക്കല് കോളേജിലെ ഐസൊലേഷന് വാര്ഡില് എത്തിച്ചത്. പരിശോധനാ ഫലം വരുന്നതിനനുസരിച്ച് തുടര് നടപടി സ്വീകരിക്കുമെന്ന് ആശുപത്രി വൃത്തങ്ങള് വ്യക്തമാക്കി.
സംസ്ഥാനത്ത് അടുത്തടുത്തായി നാല് നിപ കേസുകള് റിപ്പോര്ട്ട് ചെയ്തെന്നും നിപയുടെ കാര്യത്തില് ആശങ്കപ്പെടേണ്ട സാഹചര്യമില്ലെന്നും ആരോഗ്യമന്ത്രി വീണ ജോര്ജ് തിരുവനന്തപുരത്ത് പ്രതികരിച്ചു. രോഗ വ്യാപനം തടയാനുള്ള എല്ലാ നടപടികളും എടുത്തിട്ടുണ്ടെന്നും അവര് പറഞ്ഞു.
