നബി വിരുദ്ധ പരാമര്ശത്തിന്റെ പേരില് വിവാദത്തിലായ ബിജെപി മുന് വക്താവ് നുപുര് ശര്മയെ അടുത്ത മാസം 10 വരെ അറസ്റ്റ് ചെയ്യരുതെന്ന് സുപ്രീംകോടതി നിര്ദേശിച്ചു. നൂപുര് ശര്മ്മയ്ക്കെതിരെ കേസെടുത്ത സംസ്ഥാനങ്ങള്ക്ക് സുപ്രീം കോടതി നോട്ടീസ് അയച്ചു.
ഡല്ഹി ഒഴികെയുള്ള കേസുകള് റദ്ദാക്കണമെന്ന നുപുറിന്റെ ആവശ്യത്തിലാണ് നോട്ടീസ് അയച്ചത്. ഇക്കാര്യത്തില് നിലപാട് അറിയിക്കാന് കേസെടുത്ത സംസ്ഥാനങ്ങളോട് ഹൈക്കോടതി നിര്ദേശിച്ചു. വാദത്തിനിടെ, നുപുര് ശര്മയ്ക്ക് വിവിധ ഹൈക്കോടതികളെ സമീപിക്കാനുള്ള സാഹചര്യമില്ലെന്ന് അവരുടെ അഭിഭാഷകന് കോടതിയെ അറിയിച്ചിരുന്നു.
നുപുര് ശര്മയെ വധിക്കാന് പാകിസ്ഥാനില് നിന്ന് നുഴഞ്ഞു കയറിയതായി റിപ്പോര്ട്ടുകളുണ്ടെന്നും അഭിഭാഷകന് കോടതിയെ അറിയിച്ചു. ഇക്കാര്യം രേഖപ്പെടുത്തിയ കോടതി, അറസ്റ്റില് നിന്ന് നല്കിയ താല്ക്കാലിത സംരക്ഷണം, ഭാവിയില് രജിസ്റ്റര് ചെയ്യുന്ന കേസുകള്ക്കും ബാധകമാണെന്ന് വ്യക്തമാക്കി.
