കാരന്തൂർ എ എം എൽ പി സ്കൂളിൽ വെച്ച് നടന്ന കോവിഡ് ടെസ്റ്റിൽ ആണ് കുന്ദമംഗലം പോലീസ് സ്റ്റേഷനിലെ ഒരു ഉദ്യോഗസ്ഥനടക്കം 13 പേർക്ക് കോവിഡ് സ്ഥിരീകരിച്ചത്.ആകെ 105 ആന്റിജൻ ടെസ്റ്റും 54 ആർസിപിസിആർ ടെസ്റ്റും ആണ് നടന്നത്.6 റീ ടെസ്റ്റ് അടക്കം മൊത്തം 19 പേർക്കാണ് കോവിഡ് സ്ഥിരീകരിച്ചത്. മറ്റു പഞ്ചായത്തുകളിൽ 1കേസ് കുരുവട്ടൂർ പഞ്ചായത്തിലും 1 കേസ് ചാത്തമംഗലത്തും ആണ് റിപ്പോർട്ട് ചെയ്തിട്ടുള്ളത്.
പനിയും അസ്വസ്ഥതകളും പ്രകടിപ്പിച്ചതിനെ തുടര്ന്ന് പരിശോധനയില് ഇന്നലെ കുന്ദമംഗലം പോലീസ് സ്റ്റേഷനിലെ ഒരു ഉദ്യോഗസ്ഥനും കോവിഡ് സ്ഥിരീകരിച്ചിരുന്നു. ഇതിനെ തുടർന്ന് സ്റ്റേഷനിൽ പരാതികൾ സ്വീകരിക്കുന്നതടക്കം കാര്യങ്ങളിൽ ക്രമീകരണങ്ങൾ വരുത്തിയിട്ടുണ്ട്.
പൈമ്പാലശ്ശേരി, പെരുവഴിക്കടവ്, പെരിങ്ങളം ഭാഗങ്ങളിലായി തെരഞ്ഞെടുപ്പ് വിജയാഘോഷങ്ങള് നിയന്ത്രിക്കാന് ഡ്യൂട്ടിയിലുണ്ടായിരുന്നതിനാല് ആ പ്രദേശങ്ങളില് ആഹ്ലാദപ്രകടനങ്ങളില് പങ്കെടുത്തവരും മറ്റ് ആവശ്യങ്ങള്ക്കായി കുന്ദമംഗലം പോലീസ് സ്റ്റേഷനുമായി കഴിഞ്ഞ ദിവസങ്ങളില് ബന്ധപ്പെട്ടവരും ജാഗ്രത പാലിക്കണമെന്ന് കുന്ദമംഗലം സബ് ഇന്സ്പെക്ടര് ശ്രീജിത്ത് അറിയിച്ചു.
