പാലക്കാട് നഗരസഭ കെട്ടിടത്തില് ദേശീയപതാകയുടെ ഫ്ളക്സ് ഉയര്ത്തി ഡി.വൈ.എഫ്.ഐ പ്രവര്ത്തകര്
പ്രവര്ത്തകര് നഗരസഭയിലേക്ക് മാര്ച്ച് നടത്തുകയും നഗരസഭയ്ക്ക് മുകളില് കയറി ദേശീയ പതാക തൂക്കുകയുമായിരുന്നു.
‘ഇത് ആര്.എസ്.എസ് കാര്യാലയമല്ല നഗരസഭയാണ് ഇത് ഗുജറാത്തല്ല, കേരളമാണ്’ എന്ന ബാനറിലായിരുന്നു ഡി.വൈ.എഫ്.ഐ പ്രവര്ത്തകര് പ്രതിഷേധപ്രകടനം നടത്തിയത്.
കേരളത്തെ കാവിയില് പുതപ്പിക്കാന് ഡി.വൈ.എഫ്.ഐ അനുവദിക്കില്ലെന്ന് മുദ്രാവാക്യം വിളിച്ചായിരുന്നു ഡി.വൈ.എഫ്.ഐ പ്രവര്ത്തകര് ദേശീയ പതാക തൂക്കിയത്.
സംഘര്ഷ സാധ്യത കണക്കിലെടുത്ത് പൊലീസ് പ്രവര്ത്തകരെ അറസ്റ്റ് ചെയ്ത് നീക്കി. ഇപ്പോള് നഗരസഭയ്ക്ക് മുന്നില് ഡി.വൈ.എഫ്.ഐ പ്രവര്ത്തകര് കുത്തിയിരുന്നു പ്രതിഷേധിക്കുകയാണ്. ഡി.വൈ.എഫ്.ഐയുടെ നടപടിയെ അഭിനന്ദിച്ച് സോഷ്യല്മീഡിയയില് നിരവധി പേര് രംഗത്തെത്തിയിട്ടുണ്ട്. ഇത് സംഘികളുടെ ഗുജറാത്തല്ലെന്നും ഇത് കേരളമാണെന്നും പറഞ്ഞുകൊണ്ടാണ് ഡി.വൈ.എഫ്.ഐയുടെ നടപടിയെ ചിലര് അഭിനന്ദിച്ചത്.
തദ്ദേശ തെരഞ്ഞെടുപ്പ് ഫലത്തിന് പിന്നാലെ പാലക്കാട് നഗരസഭയില്ബി.ജെ.പി പ്രവര്ത്തകര് ജയ് ശ്രീറാം ഫ്ളക്സ് വെച്ച സംഭവത്തില് പാലക്കാട് ടൗണ് പൊലീസ് ഇന്നലെ കേസെടുത്തിരുന്നു.
