ചങ്ങനാശ്ശേരി മാടപ്പള്ളിയില് കെ-റെയില് പ്രതിഷേധത്തിനിടെ സംഘര്ഷം.കല്ലിടാനുള്ള സംഘമെത്തിയാൽ അവരെ തടയുമെന്നുള്ള കാര്യം നേരത്തേ തന്നെ സമരക്കാർ വ്യക്തമാക്കിയിരുന്നു. ഉദ്യോഗസ്ഥർ എത്തിയപ്പോൾതന്നെ സമരക്കാർ വാഹനത്തിന്റെ ചില്ലെറിഞ്ഞ് പൊട്ടിക്കുകയും മടങ്ങിപ്പോകണമെന്ന് അവരോട് ആവശ്യപ്പെടുകയും ചെയ്തു.പിരിഞ്ഞുപോകാന് പോലീസ് നിര്ദ്ദേശിച്ചെങ്കിലും ഇവര് പിന്മാറാന് തയ്യാറായില്ല. ശക്തമായ പ്രതിഷേധത്തെത്തുടര്ന്ന് കല്ലിടാനാകാതെ ഉദ്യോഗസ്ഥര് തത്കാലത്തേക്ക് മടങ്ങിയെങ്കിലും പോലീസ് പ്രദേശത്ത് നിന്നും പിന്മാറാതെ തങ്ങള് പിരിഞ്ഞുപോകില്ലെന്ന് പ്രതിഷേധക്കാര് പറഞ്ഞു. ബി.ജെ.പി, കോൺഗ്രസ് പ്രവർത്തകർ ഉൾപ്പെടുന്ന സംയുക്ത സമര സമിതിയാണ് മാടപ്പള്ളിയിൽ സമരം നടത്തുന്നത്.
ഒന്നര മണിക്കൂറായി വലിയ സംഘർഷാവസ്ഥയാണ് സ്ഥലത്ത് നിലനിൽക്കുന്നത്. കല്ലിടീലിന്റെ പ്രാരംഭ പ്രർത്തനം പോലും നടത്താൻ അനുവദിക്കില്ലെന്ന ഉറച്ച നിലപാടിലാണ് സമരക്കാർ.മനുഷ്യശംഖല തീർത്ത് നാട്ടുകാർ ഉദ്യോഗസ്ഥർക്കെതിരെ പ്രതിഷേധിക്കുകയും ആക്രോശിക്കുകയുമാണുണ്ടായത്. കൂട്ട ആത്മഹത്യ നടത്തുമെന്ന് സമർക്കാർ പറഞ്ഞു. മണ്ണെണ്ണ ഉയർത്തി കാട്ടി പ്രതിഷേധിക്കുന്ന അവസ്ഥയുമുണ്ടായി