സ്വര്ണക്കടത്ത് കേസിലെ മുഖ്യപ്രതി സ്വപ്ന സുരേഷിന് എച്ച് ആര് ഡി എസ് എന്ന എന്.ജി.ഒയില് കോര്പറേറ്റ് സോഷ്യല് റെസ്പോന്സിബിലിറ്റി മാനേജര് പദവിൽ പുതിയ ജോലി.പാലക്കാട് ആസ്ഥാനമായ എന് ജി ഒയാണ് എച്ച് ആര് ഡി എസ്.സ്വപ്ന സുരേഷ് ചുമതലയേറ്റെടുത്ത കാര്യം കഴിഞ്ഞ ദിവസം എന്.ജി.ഒയിലെ അംഗങ്ങളെ അറിയിച്ചിരുന്നു. വെബ്സൈറ്റിലും ഉള്പ്പെടുത്തിയിട്ടുണ്ട്.ആദിവാസി മേഖലയില് വീടുകള് വെച്ചുനല്കാനും മറ്റുമായി പ്രവര്ത്തിക്കുന്ന എന് ജി ഒയാണ് എച്ച് ആര് ഡി എസ്. വിദേശത്തുനിന്ന് ഇതിനായി പണമെത്തിക്കുന്നതുമായി ബന്ധപ്പെട്ട ചുമതലയാകും സ്വപ്ന സുരേഷിന് ലഭിക്കുക. ഗള്ഫ് രാജ്യങ്ങളുമായാകും പ്രധാനമായും ബന്ധപ്പെടേണ്ടി വരിക. ഈ മാസം 12ന് ജോലിയില് പ്രവേശിക്കണമെന്നാണ് സ്വപ്നയ്ക്ക് മുന്പ് നിര്ദ്ദേശം നല്കിയിരുന്നത്. പക്ഷേ എന്ഫോഴ്സ്മെന്റ ഡയറക്ടറേറ്റിന്റെ ചോദ്യം ചെയ്യലിന്റെ പശ്ചാത്തലത്തില് സ്വപ്ന മറ്റൊരു ദിവസം ജോലിക്കെത്താമെന്ന് അറിയിക്കുകയായിരുന്നു.
സ്വപ്ന സുരേഷിന് എച്ച് ആര് ഡി എസ് എന്.ജി.ഒയില് ഡയറക്ടര് പദവി
