കെപിസിസി പ്രസിഡന്റ് കെ സുധാകരന്റെ നിലപാടില് പ്രതിഷേധിച്ച് കോണ്ഗ്രസ് വിട്ട് കെഎസ് യു തൃശൂര് ജില്ലാ സെക്രട്ടറി വി എസ് ഡേവിഡ്. ഇടുക്കി പൈനാവ് എന്ജിനിയറിംഗ് കോളേജിലെ എസ്എഫ്ഐ പ്രവര്ത്തകന് ധീരജിന്റെ കൊലയാളികളെ തള്ളിപ്പറയില്ലെന്ന കെ സുധാകരന്റെ നിലപാടില് ഞെട്ടല് രേഖപ്പെടുത്തിയാണ് ഡേവിഡ് രാജി പ്രഖ്യാപനം നടത്തിയത്.പാര്ട്ടിയില് നിന്നും രാജിവെക്കുന്നുവെന്ന് അറിയിച്ചുള്ള വാര്ത്താ കുറിപ്പിലാണ് ഡേവിഡ് ഇക്കാര്യം പറയുന്നത്.
കൂടെ നില്ക്കുന്നവരെ ചതിക്കാന് പഠിച്ചിട്ടില്ല. ആരുടേയും ഉള്ള് തുരന്ന് നോക്കാന് പോയിട്ടില്ല.
മനസില് കെടാത്ത വിളക്കായി, പ്രതീക്ഷയായി സൂക്ഷിച്ച പ്രസ്ഥാനവും ത്രിവര്ണക്കൊടിയും മങ്ങലേല്ക്കാതെ ഇത്രയും നാള് ഉണ്ടായിരുന്നുവെന്നും എന്നാല് ഇപ്പോള് ആ കെടാവിളക്ക് അണയുകയും ത്രിവര്ണക്കൊടിയുടെ തിളക്കത്തിന് മങ്ങലേറ്റിരിക്കുന്നുവെന്നും ഡേവിഡ് പറയുന്നു.
സഹപ്രവര്ത്തകയെ ഉപയോഗിച്ച് സഹപ്രവര്ത്തകനെ പോക്സോ കേസില് കുരുക്കി ഈ പ്രസ്ഥാനത്തില് നിന്ന് പുറത്താക്കിയ കൂട്ടര് മറ്റൊരു ആയുധവുമായി ഇപ്പോള് എനിക്ക് നേരെ തിരിഞ്ഞിരിക്കുന്നു.
അതിന്റെ ആവശ്യമുണ്ടെന്ന് തോന്നുന്നില്ല. കാലം കണക്ക് ചോദിക്കാതെ പോകുമെന്ന് ഞാന് കരുതുന്നില്ല. അനുഭവം അതാണ്. കോണ്ഗ്രസുമായും അതിന്റെ പോഷക സംഘടനകളുമായുള്ള എല്ലാ ബന്ധവും അവസാനിപ്പിക്കുന്നുവെന്നും വി എസ് ഡേവിഡിന്റെ ഫേസ്ബുക്ക് കുറിപ്പ് വിശദമാക്കുന്നു. രൂക്ഷമായ പരിഹാസവും വിമര്ശനവുമാണ് ഡേവിഡിന്റെ രാജി പ്രഖ്യാപനക്കുറിപ്പിനോട് സമൂഹമാധ്യമങ്ങളിലുള്ള പ്രതികരണം.
കൊലപാതകത്തില് പങ്കെടുത്ത കെ.എസ്.യു-യൂത്ത് കോണ്ഗ്രസ് നേതാക്കളെ തള്ളിപ്പറയാന് ഒരുക്കമല്ലെന്നും അവരെ പിന്തുണയ്ക്കുന്നു എന്നുമായിരുന്നു കോണ്ഗ്രസിന്റെ നിലപാട്. ധിരജിന്റെ മരണത്തെ അധിക്ഷേപിക്കുന്ന തരത്തിലുള്ള പരാമര്ശങ്ങളും കെ. സുധാകരന്റെ ഭാഗത്ത് നിന്നും ഉണ്ടായിരുന്നു.
പൈലി വീഴുമ്പോൾ 5 പേരും അടുത്തില്ലായിരുന്നു, ധീരജിനെ കുത്തിയത് ആരെന്ന് ദൃക്സാക്ഷികൾക്ക് പറയാനാവുന്നില്ലെന്നാണ് സുധാകരന് പറഞ്ഞത്
രക്ഷപ്പെടാൻ വേണ്ടിയാണ് നിഖിൽ ഓടിയത്, കുത്തിയത് ആരും കണ്ടിട്ടില്ല എല്ലാ നിയമസഹായവും പ്രതികൾക്ക് നൽകുമെന്ന് സുധാകരൻ വ്യക്തമാക്കി.
