ബിലിവേഴ്സ് ചര്ച്ചിന്റെ ഇടപാടുകള് ഇനി സിബിഐ പരിശോധിക്കും. എന്ഫോഴ്സ്മെന്റും ആദായനികുതി വകുപ്പും നല്കുന്ന റിപ്പോര്ട്ടിനെ അടിസ്ഥാനമാക്കിയാവും അന്വേഷണം.
ബിലിവേഴ്സ് ചര്ച്ചുമായി ബന്ധപ്പെട്ട വിഷയത്തില് പ്രാഥമിക വിവര ശേഖരണം സിബിഐ നടത്തിക്കഴിഞ്ഞു. സിബിഐയുടെ സാമ്പത്തിക കുറ്റാന്വേഷണ വിഭാഗമകും അന്വേഷണം നടത്തുക. മതത്തിനെ മറയാക്കി നടന്ന കള്ളപ്പണ വെളുപ്പിക്കലാണ് ബിലിവേഴ്സ് ചര്ച്ച് നടത്തിയത് എന്നാണ് പ്രാഥമിക നിരീക്ഷണം.
അതേസമയം, കണ്ടെടുത്ത പണത്തിനും നിക്ഷേപിച്ച പണത്തിനും നിയമപ്രകാരമായ സ്രോതസ്സ് കാണിക്കാന് ബിലീവേഴ്സ് ചര്ച്ചിന് ഇതുവരെ സാധിച്ചില്ലെന്ന് ആദായനികുതി വകുപ്പ് അറിയിച്ചു.
