വടകര: സ്ത്രീവിരുദ്ധ പരാമര്ശത്തില് ആര്എംപി നേതാവ് കെ.എസ് ഹരിഹരന് പൊലീസ് നോട്ടീസ്. വടകരയിലെ എല്ഡിഎഫ് സ്ഥാനാര്ഥി കെ.കെ ശൈലജയ്ക്കും നടി മഞ്ജുവാര്യര്ക്കുമെതിരെ നടത്തിയ സ്ത്രീവിരുദ്ധ പരാമര്ശത്തിലാണ് നോട്ടീസയച്ചത്. നാളെ രാവിലെ 11 മണിക്ക് വടകര പൊലീസ് സ്റ്റേഷനില് ചോദ്യം ചെയ്യലിന് ഹാജരാകണം എന്നാണ് നോട്ടീസില് പറയുന്നത്.
സിപിഎമ്മിന്റെ വനിതാ സംഘടനയായ ജനാധിപത്യ മഹിളാ അസോസിയേഷന്റെ പരാതിയിലാണ് ഹരിഹരനെതിരെ വടകര പൊലീസ് കേസെടുത്തത്. സ്ത്രീത്വത്തെ അപമാനിക്കല്, കലാപാഹ്വാനം എന്നീ വകുപ്പുകള് ചുമത്തിയാണ് കേസെടുത്തിരിക്കുന്നത്.
അന്വേഷണ സംഘത്തിന് മുന്നില് ഹാജരാകുമെന്ന് കെ.എസ് ഹരിഹരന് അറിയിച്ചു. വടകരയില് യുഡിഎഫ്- ആര്എംപി സംഘടിപ്പിച്ച പരിപാടിയിലായിരുന്നു ഹരിഹരന്റെ വിവാദ പരാമര്ശം. ‘ടീച്ചറുടെ പോണ് വീഡിയോ ആരെങ്കിലും ഉണ്ടാക്കുമോ?, മഞ്ജു വാര്യരുടെ പോണ് വീഡിയോ ഉണ്ടാക്കിയെന്ന് പറഞ്ഞാല് മനസിലാകും’ എന്നായിരുന്നു പരാമര്ശം.
