രോഗ വ്യാപനം തീവ്രമായ നാല് ജില്ലകളിൽ ഇന്ന് അർദ്ധരാത്രി മുതൽ ട്രിപ്പിൾ ലോക്ക് ഡൗൺ . തിരുവനന്തപുരം, എറണാകുളം, തൃശൂർ, മലപ്പുറം ജില്ലകളിൽ ആണ് ട്രിപ്പിൾ ലോക്ക് ഡൗൺ. മാർഗ നിർദേശങ്ങൾ ലംഘിക്കുന്നവർക്ക് എതിരെ ശക്തമായ നടപടി സ്വീകരിക്കാൻ നിർദേശം നൽകിയിട്ടുണ്ട്.ഈ ജില്ലകളില് ബാങ്കുകളുടെ പ്രവൃത്തി സമയത്തില് നേരത്തെ തീരുമാനിച്ചതില് നിന്ന് ചെറിയ മാറ്റം വരുത്തിയിട്ടുണ്ട്.
ട്രിപ്പിള് ലോക്ഡൗണ് ഏര്പ്പെടുത്തിയ ജില്ലകളിലും ബാങ്കുകളുടെ പ്രവൃത്തി ദിനം തിങ്കള്, ബുധന്, വെള്ളി ദിവസങ്ങളിലായിരിക്കും. നിശ്ചിത സമയപരിധിയില് മിനിമം ജീവനക്കാരെ വെച്ച് ഇത് നടപ്പാക്കണം. ട്രിപ്പിള് ലോക്ഡൗണില് ബാങ്കുകള് ചൊവ്വ, വെള്ളി ദിവസങ്ങളിലും സഹകരണബാങ്കുകള് തിങ്കള്, വ്യാഴം ദിവസങ്ങളിലും പത്തു മുതല് ഒന്നു വരെമാത്രം കുറഞ്ഞ ജീവനക്കാരുമായി പ്രവര്ത്തിക്കുമെന്നായിരുന്നു നേരത്തെ അറിയിച്ചിരുന്നത്.
മറ്റു ജില്ലകളില് എല്ലാ ബാങ്കുകളും തിങ്കള്, ബുധന്, വെള്ളി ദിവസങ്ങളിലാണ് പ്രവര്ത്തിക്കുന്നത്. ബാങ്കിംഗ് ഇടപാടുകള് സുഗമമാക്കാന് എല്ലാ ജില്ലകളിലും ബാങ്കുകള് ഒരു പോലെ പ്രവര്ത്തിക്കേണ്ടിവരുന്നതിനാലാണ് പുതിയ തീരുമാനം.
പാല്, പത്രം വിതരണം രാവിലെ 8 മണി വരെ
ട്രിപ്പിള് ലോക്ഡൗണ് ഉള്ള ജില്ലകളിലും പാല്, പത്രം വിതരണം രാവിലെ 8 മണി വരെ അനുവദിക്കും. മത്സ്യവിതരണംകൂടി ഈ സമയത്തിനുള്ളില് അനുവദിക്കും. നേരത്തെ ആറുമണിക്ക് മുമ്പായി പത്രം, പാല് വിതരണം അവസാനിപ്പിക്കണമെന്നായിരുന്നു നിര്ദേശം.
