കേരള കോണ്ഗ്രസ് (എം) പാര്ട്ടിക്ക് വേണ്ടിയുള്ള നിയമ പോരാട്ടത്തില് പരാജയപ്പെട്ട പി.ജെ ജോസഫ് ഉടന് പുതിയ പാര്ട്ടി പ്രഖ്യാപിക്കും. കേരള കോണ്ഗ്രസ് (എം) എന്ന പേര് ജോസ് കെ മാണി സ്വന്തമാക്കിയതോടെ പുതിയ പാര്ട്ടി രജിസ്റ്റര് ചെയ്യാനുള്ള നീക്കത്തിലാണ് ജോസഫ് ഗ്രൂപ്പ്.
ജോസഫിന്റെ പാര്ട്ടിയിലും കേരള കോണ്ഗ്രസ് എന്ന പേരുണ്ടാകുമെന്ന് ഉറപ്പാണ്.എന്നാല് തിരഞ്ഞെടുപ്പിന് മുമ്പ് പുതിയ പാര്ട്ടിയുടെ രജിസ്ട്രേഷന് നടപടികള് പൂര്ത്തിയാക്കാന് കഴിയില്ല. എങ്കിലും പുതിയ പാര്ട്ടിയുടെ പേര് ഉടന് പ്രഖ്യാപിക്കുമെന്നാണ് സൂചന.
രജിസ്ട്രേഷന് നടപടികള് പൂര്ത്തിയായിട്ടില്ലെങ്കില് നിയമസഭാ തിരഞ്ഞെടുപ്പില് ജോസഫ് ഗ്രൂപ്പ് സ്ഥാനാര്ഥികള് സ്വതന്ത്ര ചിഹ്നത്തില് മത്സരിക്കേണ്ടിവരും.
