നിര്ഭയ കൊലപാതക കേസില് വധശിക്ഷക്കെതിരെ പ്രതികള് അന്താരാഷ്ട്ര കോടതിയെ സമീപിച്ചു. അക്ഷയ് ഠാക്കൂര്, പവന് ഗുപ്ത, വിനയ് ശര്മ എന്നിവരുടെ വധശിക്ഷ നടപ്പാക്കരുത് എന്നാവശ്യപ്പെട്ട് പ്രതികളുടെ അഭിഭാഷകന് അന്താരാഷ്ട്ര നീതിന്യായ കോടതിക്ക് കത്തയച്ചു.
അതേസമയം നിര്ഭയ കേസിലെ പ്രതി മുകേഷ് സിങ് തിരുത്തല് ഹര്ജിക്ക് അനുമതി തേടി നല്കിയ ഹര്ജി തിങ്കളാഴ്ച സുപ്രീംകോടതി തള്ളി. ഹര്ജി നിലനില്ക്കുന്നതല്ലെന്ന് ജസ്റ്റിസ് മിശ്ര ചൂണ്ടിക്കാട്ടി. മുകേഷ് സിങ്ങിന് നിയമപരമായ എല്ലാ സാധ്യതകളും അനുവദിച്ചുകഴിഞ്ഞതാണെന്ന് കോടതി പറഞ്ഞു.
മാര്ച്ച് 20ന് പുലര്ച്ചെ 5.30-നാണ് നിര്ഭയ കേസ് പ്രതികളുടെ വധശിക്ഷ നടപ്പാക്കാന് ഡല്ഹി വിചാരണ കോടതി മരണവാറണ്ട് പുറപ്പെടുവിച്ചിരിക്കുന്നത്. പ്രതികളിലൊരാളായ പവന്ഗുപ്തയുടെ ദയാഹര്ജി രാഷ്ട്രപതി തള്ളിയതിന്റെ തൊട്ടടുത്ത ദിവസമാണ് ഡല്ഹി കോടതി മരണവാറണ്ട് പുറപ്പെടുവിച്ചത്.
