തിരുവനന്തപുരം: സംസ്ഥാന സര്ക്കാറിനെ പ്രകീര്ത്തിച്ച് ശശി തരൂര് രംഗത്തെത്തിയതില് കോണ്ഗ്രസില് ഭിന്നാഭിപ്രായങ്ങള് ഉയരവേ, തരൂരിനെ പുകഴ്ത്തി സി.പി.എം നേതാവ് എ.കെ. ബാലന്. നാലു വര്ഷം തുടര്ച്ചയായി ലോക്സഭയിലേക്ക് ജയിച്ച വിപ്ലവകാരിയാണെന്നും ലോകം അറിയുന്ന ബുദ്ധിജീവിയാണ് തരൂരെന്നും എ.കെ. ബാലന് പുകഴ്ത്തി. മഹാനായ ഡിപ്ലോമാറ്റാണ് ശശി തരൂരെന്നും ലേഖനത്തില് പറഞ്ഞ കാര്യങ്ങള് യഥാര്ഥ വസ്തുതയാണെന്നും എ.കെ. ബാലന് പറഞ്ഞു.
വിവരമുള്ള ഒരാള് പോലും കോണ്ഗ്രസില് ഉണ്ടാവരുതെന്നാണോ മറ്റ് നേതാക്കള് കരുതുന്നതെന്ന് ബാലന് ചോദിച്ചു. സത്യസന്ധമായി ഒന്നും പറയാന് പാടില്ലെന്നാണോ. കേരളത്തിന്റെ നേട്ടം ഓരോ ദിവസവും കുറച്ച് പറയണമെന്നാണോ ഇവര് പറയുന്നതിന്റെ അര്ഥമെന്നും ബാലന് ചോദിച്ചു.
