പത്തനംതിട്ട: മന്ത്രി വീണാ ജോര്ജിനെ വിമര്ശിച്ച് ഫേസ്ബുക്കില് പോസ്റ്റിട്ട സംഭവത്തില് സിപിഎമ്മില് നടപടി. ഏരിയ കമ്മിറ്റി അംഗത്തെ തരംതാഴ്ത്തിയും ലോക്കല് കമ്മിറ്റി അംഗത്തെ സസ്പെന്റ് ചെയ്തുമാണ് പാര്ട്ടി നടപടിയെടുത്തത്. സിഡബ്ല്യുസി മുന് ചെയര്മാന് അഡ്വ എന് രാജീവിനെയാണ് ലോക്കല് കമ്മിറ്റിയിലേക്ക് തരംതാഴ്ത്തിയത്. ഇരവിപേരൂര് ഏരിയ കമ്മിറ്റി അംഗമായിരുന്നു. ഇലന്തൂര് ലോക്കല് കമ്മിറ്റി അംഗം ആയിരുന്ന പിജെ ജോണ്സനെയാണ് സസ്പെന്ഡ് ചെയ്തത്. ഒരു വിഭാഗം നേതാക്കള് ചേര്ന്ന് നടപടി വൈകിപ്പിക്കുന്നു എന്ന് ആരോപിച്ച് സൈബര് പോര് രൂക്ഷമായിരുന്നു. കോട്ടയം മെഡിക്കല് കോളേജ് വിഷയത്തില് ആയിരുന്നു പരസ്യ വിമര്ശനം. കോട്ടയം മെഡിക്കല് കോളേജില് കെട്ടിടം തകര്ന്നുവീണ് വീട്ടമ്മ മരിച്ച സംഭവത്തില് ആരോഗ്യമന്ത്രക്കെതിരെ വ്യാപകമായി വിമര്ശനം ഉയര്ന്നിരുന്നു.
മന്ത്രി വീണ ജോര്ജിനെതിരായ വിമര്ശനത്തില് സിപിഎമ്മില് നടപടി; ഏരിയ കമ്മിറ്റി അംഗത്തെ തരംതാഴ്ത്തി, ലോക്കല് കമ്മിറ്റി അംഗത്തിന് സസ്പെന്ഷന്
