മാസപ്പടി വിവാദത്തിൽ അന്വേഷണം ആവശ്യപ്പെട്ട് വിജിലൻസ് ഡയറക്ടർക്ക് പരാതി. കളമശേരി സ്വദേശി ഗിരീഷ് ബാബുവാണ് പരാതി നൽകിയത്. മുഖ്യമന്ത്രിയുടെ മകൾ വീണ, മുഖ്യമന്ത്രി പിണറായി വിജയൻ എന്നിവർക്കെതിരെ അന്വേഷണം വേണമെന്നാണ് പരാതിയിലെ ആവശ്യം. ആദായനികുതി വകുപ്പിന്റെ സെറ്റില്മെന്റ് ബോര്ഡ് ഉത്തരവ് സഹിതമാണ് പരാതി നല്കിയിരിക്കുന്നത്. വിജിലന്സ് ഡയറക്ടര് തുടര്നടപടിയെടുത്തില്ലെങ്കില് കോടതിയെ സമീപിക്കുമെന്നു പരാതിക്കാന് അറിയിച്ചു.സിഎംആർഎൽ കമ്പനി പണം നൽകിയ രാഷ്ട്രീയ നേതാക്കളായ രമേശ് ചെന്നിത്തല, പി.കെ.കുഞ്ഞാലിക്കുട്ടി, വി.കെ.ഇബ്രാഹിം കുഞ്ഞ് എന്നിവർക്കെതിരെ അന്വേഷണം വേണമെന്നും പരാതിയിലുണ്ട്. പരാതിയുടെ പകർപ്പ് ഗവർണർക്കും അയച്ചിട്ടുണ്ട്.
മാസപ്പടി വിവാദം;മുഖ്യമന്ത്രിക്കും മകള്ക്കും കോണ്ഗ്രസ് നേതാക്കള്ക്കുമെതിരെ അന്വേഷണം ആവശ്യപ്പെട്ട് പരാതി
