കോട്ടയം: ഉത്ര കൊലപാതക കേസില്‍ ഭർത്താവ് സൂരജിന്റെ പരസ്യ കുറ്റസമ്മതം. ഉത്രയെ കൊന്നത് താന്‍ തന്നെയെന്നാണ് സൂരജ്. വീട്ടില്‍ തെളിവെടുപ്പിന് വീട്ടിലെത്തിച്ചപ്പോൾ മാധ്യമങ്ങൾക്ക് മുൻപിലാണ് കുറ്റസമ്മതം നടത്തിയത്.
കൊലപാതകത്തിന് പ്രത്യേക ലക്ഷയമുണ്ടായിരുന്നില്ല എന്നും. കൂടുതലൊന്നും എനിക്ക് പറയാനില്ലെന്നും പ്രതി മാധ്യമങ്ങൾക്കു മുൻപിൽ കൂട്ടി ചേർത്തു. അച്ഛനും അമ്മയ്ക്കും സഹോദരിക്കും ഇതില്‍ പങ്കില്ലെന്നും സൂരജ് പറഞ്ഞു.
അതേസമയം സുരജ് കുറ്റസമ്മതം നടത്തിയത് കുടുംബത്തിലുള്ള മറ്റുള്ളവരെ രക്ഷിക്കാനാണെന്ന് ഉത്രയുടെ സഹോദരന്‍ പ്രതികരിച്ചു. സഹോദരിയും അമ്മയും പ്രതിയാകുമെന്ന ഘട്ടം വന്നപ്പോഴാണ് സൂരജ് ഇത്തരമൊരു നീക്കം നടത്തിയതെന്നും അദ്ദേഹം പറഞ്ഞു.
