ബെംഗളൂരു: നിയമസഭാ തിരഞ്ഞെടുപ്പിലെ വിജയത്തിന് ശേഷം ആര് മുഖ്യമന്ത്രിയാകുമെന്ന ആകാംഷയിലാണ് കര്ണാടക ജനത. പാര്ട്ടിയുടെ സംസ്ഥാന അധ്യക്ഷന് ഡി കെ ശിവകുമാര്, മുതിര്ന്ന നേതാവ് സിദ്ധരാമയ്യ എന്നിവരുടെ പേരുകളാണ് ഉയര്ന്ന് കേള്ക്കുന്നത്. സിദ്ധരാമയ്യക്കാണ് സാധ്യതകള് കൂടുതലെന്നും സൂചനകളുണ്ട്.
അഭ്യൂഹങ്ങള് പലതും ഉയരുന്ന സാഹചര്യത്തില് മുഖ്യമന്ത്രി സ്ഥാനത്തേക്കുള്ള തന്റെ പ്രധാന എതിരാളിയായ സിദ്ധരാമയ്യയുമായി ഭിന്നതകളില്ലെന്ന് വ്യക്തമാക്കിയിരിക്കുകയാണ് ശിവകുമാര്. എനിക്ക് സിദ്ധരാമയ്യയുമായി ഭിന്നതയുണ്ടെന്ന് പലരും പറയുന്നുണ്ട്, എന്നാല് അത്തരം ആരോപണങ്ങള് വസ്തുതാ വിരുദ്ധമാണ്, ശിവകുമാര് പറഞ്ഞു.
