പ്രതിപക്ഷത്തിന്റെ അവകാശങ്ങൾ കൂടി സംരക്ഷിക്കാൻ ബാധ്യത ഉള്ള ആളാണ് സ്പീക്കറെന്ന് ഷാഫി പറമ്പിൽ എം.എൽ.എ .താൻ അടുത്ത തിരഞ്ഞെടുപ്പില് തോല്ക്കുമെന്ന സ്പീക്കര് എ.എന്. ഷംസീറിന്റെ പരാമര്ശത്തോട് പ്രതികരിക്കുകയായിരുന്നു അദ്ദേഹം.
അവനവന്റെ ഉത്തരവാദിത്തം നിറവേറ്റാന് ആര്ജവമില്ലാതിരിക്കുന്നതാണ് പരാജയമെന്ന് സ്പീക്കര് തിരിച്ചറിയണമെന്നും ഷാഫി [പറമ്പിൽ പറഞ്ഞു.
‘
ഞങ്ങള് കസേരയും കമ്പ്യൂട്ടറും തല്ലി പൊളിച്ചിട്ടില്ല. ഞങ്ങള് പ്രതിഷേധിച്ചിട്ടുണ്ട്. പറയാനുള്ള കാര്യങ്ങള് വ്യക്തമായി പറഞ്ഞിട്ടുണ്ട്. മുഖ്യമന്ത്രിയുടെ കണ്ണുരുട്ടല് ഭയന്ന് പദവിയുടെ ഉത്തരവാദിത്തങ്ങള് മറന്ന സ്പീക്കര് പരാജയമാണോ എന്നത് അദ്ദേഹം ആത്മപരിശോധനം നടത്തണം’- ഷാഫി പറഞ്ഞു.
കൂടാതെ, അത് പാലക്കാട്ടുകാരും എന്റെ പാർട്ടിയും തീരുമാനിക്കുമെന്ന് ഫെയ്സ്ബുക്കിലും കുറിച്ചു.
ബ്രഹ്മപുരം വിഷയത്തില് നിയമസഭയിലുണ്ടായ പ്രതിഷേധത്തിനിടയിലായിരുന്നു സ്പീക്കറുടെ പരാമര്ശം. സ്പീക്കറെ മറയ്ക്കുന്ന തരത്തില് ബാനറുകളും പ്ലക്കാര്ഡുകളും ഉയര്ത്തി കാണിച്ചതാണ് സ്പീക്കറെ പ്രകോപിപ്പിച്ചത്.
