നിങ്ങളിൽ ആരൊക്കെയാണ് എസ് ബി ഐ ബാങ്ക് ഉപയോഗിക്കുന്നത്?ഇന്റർനെറ്റ് ബാങ്കിംഗ് സേവനങ്ങൾ തടസ്സപ്പെടുമെന്ന മുന്നറിയിപ്പ് നൽകി സ്റ്റേറ്റ് ബാങ്ക് ഓഫ് ഇന്ത്യ . എസ്ബിഐയുടെ വെബ്‌സൈറ്റിലാണ് ഇന്റർനെറ്റ് ബാങ്കിംഗ് സേവനങ്ങൾ ആക്സസ് ചെയ്യാൻ സാധിക്കില്ലെന്ന് ബാങ്ക് പറഞ്ഞത്. ഒക്ടോബർ 14 ന് 00.40 മുതൽ പുലർച്ചെ 2:10 വരെ ഇന്റർനെറ്റ് ബാങ്കിംഗ് സേവനങ്ങൾ ലഭ്യമാകില്ല. യോനോ ആപ്പിന്റ പ്രവർത്തനങ്ങളെ കുറിച്ച് ബാങ്ക് വ്യക്തമാക്കിയിട്ടില്ല. ഇന്റർനെറ്റ് ബാങ്കിംഗ് തടസ്സപ്പെടുമെങ്കിലും അടിസ്ഥാന സേവനങ്ങൾക്കായി ഒരാൾക്ക് വാട്ട്‌സ്ആപ്പ് ബാങ്കിംഗ് സേവനങ്ങൾ ലഭിക്കും.വാട്ട്‌സ്ആപ്പ് ബാങ്കിംഗിൽ രജിസ്റ്റർ ചെയ്യുന്നതിനുള്ള നടപടികൾ ക്രമങ്ങൾ:ഘട്ടം 1- രജിസ്ട്രേഷൻഎസ്ബിഐ വാട്ട്‌സ്ആപ്പ് ബാങ്കിംഗ് സേവനം ഉപയോഗിക്കുന്നതിന് ആദ്യം രജിസ്റ്റർ ചെയ്യണം. അങ്ങനെ ചെയ്യുന്നതിന്, WAREG എന്ന് ടൈപ്പ് ചെയ്ത് നിങ്ങളുടെ അക്കൗണ്ട് നമ്പർ ടൈപ്പ് ചെയ്ത് 7208933148 എന്ന നമ്പറിലേക്ക് എസ്എംഎസ് അയയ്‌ക്കുക. എസ്ബിഐ അക്കൗണ്ടിൽ രജിസ്റ്റർ ചെയ്‌തിരിക്കുന്ന അതേ നമ്പറിൽ നിന്ന് വേണം ഈ സന്ദേശം അയക്കാൻ. ഘട്ടം 2: 90226 90226 എന്ന വാട്ട്‌സ്ആപ്പ് നമ്പറിലേക്ക് ‘ഹായ്’ സന്ദേശം അയയ്‌ക്കുകസന്ദേശം അയച്ചുകഴിഞ്ഞാൽ, നിങ്ങൾക്ക് താഴെയുള്ള സന്ദേശം ലഭിക്കും.പ്രിയ ഉപഭോക്താവേ,എസ്ബിഐ വാട്ട്‌സ്ആപ്പ് ബാങ്കിംഗ് സേവനങ്ങളിലേക്ക് സ്വാഗതം!ചുവടെയുള്ള ഏതെങ്കിലും ഓപ്ഷനുകളിൽ നിന്ന് തിരഞ്ഞെടുക്കുക.1. അക്കൗണ്ട് ബാലൻസ്2. മിനി പ്രസ്താവന3. വാട്ട്‌സ്ആപ്പ് ബാങ്കിംഗിൽ നിന്ന് രജിസ്‌ട്രേഷൻ റദ്ദാക്കുകനിങ്ങളുടെ ബാങ്ക് ബാലൻസിന്റെ വിശദാംശങ്ങൾ ലഭിക്കാൻ നിങ്ങൾ ‘1’ എന്നും നിങ്ങളുടെ മിനി സ്റ്റേറ്റ്‌മെന്റിന്റെ വിശദാംശങ്ങൾ ലഭിക്കാൻ ‘2’ എന്നും ടൈപ്പ് ചെയ്ത് അയക്കാം. എസ്ബിഐ വാട്ട്‌സ്ആപ്പ് ബാങ്കിംഗിൽ രജിസ്‌ട്രേഷൻ റദ്ദാക്കാൻ, നിങ്ങൾ 3 എന്ന് ടൈപ്പ് ചെയ്യണം.
നിങ്ങൾ ഒരു എസ് ബി ഐ ഉപയോക്താവ് ആണോ..? ഇന്റർനെറ്റ് ബാങ്കിംഗ് സേവനങ്ങൾ തടസ്സപ്പെടുമെന്ന മുന്നറിയിപ്പ് നൽകി ബാങ്ക്
