സഭയിൽ നിന്ന് പുറത്താക്കിയതിനെതിരായി സിസ്റ്റർ ലൂസി നൽകിയ ഹരജിയിൽ അന്തിമവിധി വരുന്നത് വരെ മഠത്തിൽ തന്നെ തുടരാമെന്ന് മാനന്തവാടി മുൻസിഫ് കോടതി വ്യക്തമാക്കി. വിധിയിൽ സന്തോഷമുണ്ടെന്നും നീതിയുടെ വിജയമാണ് ഉണ്ടായതെന്നും സിസ്റ്റർ ലൂസി പ്രതികരിച്ചു.
നേരത്തെ ഇതുമായി ബന്ധപ്പെട്ട് ഹൈകോടതിയും ഉത്തരവ് പുറപ്പെടുവിച്ചിരുന്നു . സിസ്റ്റര് ലൂസി കളപ്പുരയെ വയനാട് കാരയ്ക്കാമലയിലെ മഠത്തില് നിന്നും ഇറക്കിവിടാന് ഉത്തരവിറക്കാനാവാല്ലെന്നായിരുന്നു ഹൈകോടതി നിലപാട്. എന്നാൽ മഠത്തിൽ താമസിക്കുേമ്പാൾ ലൂസി കളപ്പുരക്ക് സുരക്ഷയൊരുക്കാൻ നിർദേശിക്കാനാവില്ലെന്നും കോടതി വ്യക്തമാക്കിയിരുന്നു.
മഠത്തില് താമസിക്കുന്നതിന് പൊലീ സുരക്ഷ ആവശ്യപ്പെട്ടുള്ള സിസ്റ്റര് ലൂസിയുടെ ഹരജി തീര്പ്പാക്കിയുള്ള ഉത്തരവിലായിരുന്നു കോടതി നിലപാട് വ്യക്തമാക്കിയത്. കാരയ്ക്കാമലയിലെ മഠത്തിന് പുറത്ത് എവിടെ താമസിച്ചാലും സുരക്ഷ നല്കാമെന്നും കോടതി ഉത്തരവില് പറഞ്ഞിരുന്നു.
