കാസര്കോട് ബ്ളാലില് മരിച്ച പതിനാറുകാരി ആന്മേരിയെ സഹോദരന് ആല്ബിന് ഐസ് ക്രീമില് വിഷം കലര്ത്തി ആന്മേരിയെ കൊലപ്പെടുത്തുകയായിരുന്നുവെന്ന് പൊലീസ്. ആഗസ്റ്റ് അഞ്ചിനാണ് ആന്മേരി മരിച്ചത്. ശര്ദ്ദിയും വയറിളക്കവും ബാധിച്ചതിനെത്തുടര്ന്നാണ് ആന്മേരിയെ ആദ്യം ആശുപത്രിയില് പ്രവേശിപ്പിച്ചത്. തുടര്ന്ന് കുട്ടിക്ക് മഞ്ഞപ്പിത്തം ബാധിക്കുകയും നിലഗുരുതരമാകുകയുമായിരുന്നു. പിന്നീടാണ് കുട്ടിയെ ഐസ്ക്രീമില് വിഷം കലര്ത്തി സഹോദരന് കൊലപ്പെടുത്തുകയായിരുന്നുവെന്ന് പൊലീസ് കണ്ടെത്തിയത്.അച്ഛനും അമ്മയും ഉള്പ്പെടെ കുടുംബാംഗങ്ങളെയെല്ലാം ആല്ബിന് കൊലപ്പെടുത്താന് ശ്രമിച്ചു. ഇവര് ഗുരുതരാവസ്ഥയില് ആശുപത്രിയില് ചികിത്സയിലാണ്. രഹസ്യ ബന്ധങ്ങള് തുടരുന്നതിന് കുടുംബം തടസമെന്ന തോന്നലാണ് കൊലപാതകത്തിന് പ്രധാന കാരണമെന്നാണ് പൊലീസ് പറയുന്നത്. സഹോദരന് ആല്ബില് വെള്ളരിക്കുണ്ട് പൊലീസിന്റ കസ്റ്റഡിയിലാണ്.
കാസര്കോട് മരിച്ച പതിനാറുകാരി ആന്മേരിയെ സഹോദരന് കൊലപ്പെടുത്തിയതെന്ന് പൊലീസ്
