സ്വര്ണള്ളക്കടത്ത് കേസിലെ പ്രതി സ്വപ്ന സുരേഷിനെ സംരക്ഷിക്കുമെന്ന് എച്ച് ആര് ഡി എസ്. ഇരയെന്ന നിലയില് സ്വപ്ന സുരേഷിനെ സംരക്ഷിക്കേണ്ട ചുമതലയുണ്ടെന്ന് എച്ച്ആര്ഡിഎസ് സെക്രട്ടറി അജി കൃഷ്ണന് മാധ്യമങ്ങളോട് പറഞ്ഞു. കാര് അടക്കം വിട്ടു നല്കി സഹായിക്കുന്നത് സ്വപ്ന എച്ച് ആര് ഡി എസ് ജീവനക്കാരി ആയതിനാലാണ്. സര്ക്കാരും പൊലീസും സ്വപ്നയെ കെണിയില് പെടുത്തിയതാണെന്നും അദ്ദേഹം വ്യക്തമാക്കി.
സംഘപരിവാര് ബന്ധം ശരിവെച്ച അജി കൃഷ്ണന് എച്ച്ആര്ഡിഎസിന്റെ പ്രവര്ത്തനം സുതാര്യമാണെന്നും അന്വേഷണത്തെ സ്വാഗതം ചെയ്യുന്നതായും വ്യക്തമാക്കി. ബിലീവേഴ്സ് ചര്ച്ചിന്റെ കോടികളുടെ വിദേശഫണ്ട് വിനിയോഗം സംബന്ധിച്ച ചര്ച്ചകള്ക്കായി ഷാജ് കിരണ് ഒന്നരമാസം മുന്പ് പാലക്കാട് ഓഫിസില് എത്തിയിരുന്നതായും അജി കൃഷ്ണന് പറഞ്ഞു.
സംഘപരിവാര് മാറ്റി നിര്ത്തേണ്ടവരല്ല. സംഘപരിവാര് ഇന്ത്യ ഭരിക്കുന്ന സംവിധാനമാണ്. കേരളത്തില് ഇപ്പോള് നടക്കുന്നത് ഫാസിസമാണ്. എച്ച് ആര് ഡി എസ് ഇന്ത്യയെ പട്ടിണി രഹിതമാക്കാന് പ്രവര്ത്തിക്കുന്നു. എല്ലാതരം രാഷ്ട്രീയ വിശ്വാസികളും എച്ച് ആര് ഡി എസിലുണ്ട് എന്നും അജി കൃഷ്ണന് പറഞ്ഞു.
