സംസ്ഥാനത്ത് വിദ്യാര്ത്ഥികള്ക്കായുള്ള ഓണ്ലൈന് പഠനത്തിന്റെ രണ്ടാം ഘട്ടം തിങ്കളാഴ്ച മുതല് ആരംഭിക്കുമെന്ന് വിക്ടേഴ്സ് ഡയറക്ടര് അന്വര് സാദത്ത് അറിയിച്ചു.
നേരത്തെ രണ്ടരലക്ഷത്തോളം വിദ്യാര്ത്ഥികള് സംസ്ഥാനത്തുണ്ടെന്ന് നേരത്തെ എസ്.എസ്.കെയുടെ പഠനങ്ങളില് വ്യക്തമായിരുന്നു. ഇതേതുടര്ന്ന് സര്ക്കാര് സംവിധാനങ്ങള് വഴിയും സന്നദ്ധ സംഘടനകള് വഴിയും പരമാവധി പേര്ക്ക് സൗകര്യം ഉറപ്പാക്കാന് സാധിച്ചെന്ന വിലയിരുത്തലിന്റെ അടിസ്ഥാനത്തിലാണ് രണ്ടാം ഘട്ടം ആരംഭിക്കാനൊരുങ്ങുന്നതെന്ന് അന്വര് സാദത്ത് പറഞ്ഞു.
ജൂണ് ഒന്നു മുതലാണ് സംസ്ഥാനത്ത് ഓണ്ലൈന് ആയി ക്ലാസുകള് ആരംഭിച്ചത്. ആദ്യ ഒരാഴ്ച ഒരേ പാഠ ഭാഗങ്ങള് തന്നെയാണ് വിക്ടേഴ്സ് ചാനല് വഴി കാണിച്ചിരുന്നത്. ആദ്യഘട്ടത്തില് ട്രയല് ആണ് കാണിക്കുന്നതെന്നും മുഖ്യമന്ത്രി പറഞ്ഞിരുന്നു. ഭാഷാ ക്ലാസുകളായ അറബി, ഉറുദു, സംസ്കൃതം എന്നീ ക്ലാസുകളും തിങ്കളാഴ്ച ആരംഭിക്കും. നേരത്തെ നിശ്ചയിച്ച ഷെഡ്യൂള് പ്രകാരം തന്നെയായിരിക്കും ക്ലാസുകള് ആരംഭിക്കുക. കൈറ്റ് വിക്ടേഴ്സ് ചാനലിന് പുറമെ ഫേസ്ബുക്കില് victerseduchannel ല് ലൈവായും യുടൂബില് itsvicters വഴിയും ക്ലാസുകള് കാണാം.