വിദ്യാർത്ഥി കൺസഷെനുമായി ബന്ധപ്പെട്ട് ഗതാഗതമന്ത്രി ആന്റണി രാജുവിന്റെ പ്രസ്താവനക്കെതിരെ എസ്എഫ്ഐ. മന്ത്രിയുടെ അഭിപ്രായം അപക്വമെന്നും വിദ്യാർത്ഥി ബസ് കൺസെഷൻ ആരുടെയും ഔദാര്യമല്ല അവകാശമാണെന്നും എസ്എഫ്ഐ അറിയിച്ചു. നിലവിലെ കണ്സഷന് തുക കുട്ടികള്ക്ക് തന്നെ നാണക്കേടാണെന്ന ഗതാഗത വകുപ്പ് മന്ത്രിയുടെ അഭിപ്രായ പ്രകടനം പ്രതിഷേധാര്ഹമാണെന്നും പ്രസ്താവനയില് പറഞ്ഞു.നിരവധി അവകാശ സമരങ്ങളിലൂടെ നേടിയെടുത്ത വിദ്യാർത്ഥികളുടെ അവകാശമാണ് ബസ് കൺസഷൻ. അത് വർദ്ധിപ്പിക്കുന്നത് ആലോചിക്കുമെന്നും അതോടൊപ്പം തന്നെ നിലവിലെ കൺസെഷൻ തുക കുട്ടികൾക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗതമന്ത്രിയുടെ അഭിപ്രായ പ്രകടനം പ്രതിഷേധാർഹമാണെന്ന് എസ്എഫ്ഐ പുറത്തിറക്കിയ വാര്ത്താക്കുറിപ്പില് പറയുന്നു.
എസ്.എഫ്.ഐയുടെ പ്രസ്താവന
വിദ്യാര്ത്ഥി കണ്സഷനുമായി ബന്ധപ്പെട്ട് ഗതാഗത വകുപ്പ് മന്ത്രിയുടെ അഭിപ്രായം അപക്വം. വിദ്യാര്ത്ഥി ബസ് കണ്സെഷന് ആരുടെയും ഔദാര്യമല്ല അവകാശമാണ് – എസ്.എഫ്.ഐ.നിരവധി അവകാശ സമരങ്ങളിലൂടെ നേടിയെടുത്ത വിദ്യാര്ത്ഥികളുടെ അവകാശമാണ് വിദ്യാര്ത്ഥി ബസ് കണ്സഷന്. അത് വര്ദ്ധിപ്പിക്കുന്നത് ആലോചിക്കുമെന്നും, അതോടൊപ്പം തന്നെ നിലവിലെ കണ്സഷന് തുക കുട്ടികള്ക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗത വകുപ്പ് മന്ത്രിയുടെ അഭിപ്രായ പ്രകടനം പ്രതിഷേധാര്ഹമാണ്.
ഇത്തരത്തിലുള്ള അഭിപ്രായങ്ങള് ഇടതുപക്ഷ ഗവണ്മെന്റിന്റെ വിദ്യാര്ത്ഥിപക്ഷ സമീപനങ്ങള്ക്ക് കോട്ടം തട്ടുന്നതിന് ഇടയാക്കും. ഇത്തരത്തിലുള്ള പ്രസ്താവനകളും, അഭിപ്രായ പ്രകടനങ്ങളും ശ്രദ്ധയോട് കൂടി ചെയ്യേണ്ടതായിരുന്നു. അതിനാല് തന്നെ ഈ അഭിപ്രായം തിരുത്താന് മന്ത്രി തയ്യാറാകണമെന്നും എസ്.എഫ്.ഐ സംസ്ഥാന പ്രസിഡന്റ് വി. എ. വിനീഷ്, സെക്രട്ടറി അഡ്വ:കെ.എം. സച്ചിന് ദേവ് എം.എല്.എ എന്നിവര് പ്രസ്താവനയില് അറിയിച്ചു.
