പട്ടിക വർഗ്ഗ വികസന വകുപ്പിൻ്റെ കുന്ദമംഗലം പ്രീമെട്രിക്ക് ഹോസ്റ്റലിലെ കുട്ടികളാണ് ഹോസ്റ്റലിലെ ചുറ്റുമതിലിലും ടെറസിലും പക്ഷികൾക്കും മറ്റു ജീവികൾക്കും ദാഹജലം ഒരുക്കിയത്. കടുത്ത ചൂട് കാരണം നിരവധി പക്ഷികളാണ് ഇവിടെ നിന്നും ദാഹമകറ്റുന്നത്.
കോവിഡ് – 19 കാരണം SSLC കുട്ടികൾ മാത്രമാണ് ഇപ്പോൾ ഹോസ്റ്റലിൽ അന്തേവസിക്കുന്നത്. പച്ചക്കറിക്കൃഷി, മരച്ചീനി കൃഷി, പരിസര ശുചീകരണ പ്രവൃത്തി എന്നിവയിലൂടെ മുൻ വർഷങ്ങളിലും മാതൃകയായിരുന്നു കുന്ദമംഗലം പ്രീമെട്രിക്ക് ഹോസ്റ്റലിലെ കുട്ടികൾ.
