ചൈനയില് കൊറോണ വൈറസ് ബാധിച്ച് മരണം 1368 ആയി. ദിവസംതോറും മരണസംഖ്യ കൂടിക്കൊണ്ടിരിക്കുകയാണ്. ഹുബൈ പ്രവശ്യയില് ഇന്നലെ മാത്രം 242 പേരാണ് മരിച്ചത്. 14,840 പേര്ക്കുകൂടി ഇന്നലെ പുതിയതായി രോഗം സ്ഥിരീകരിച്ചു. ലോകത്ത് ഇതുവരെ 60,286 പേര്ക്കാണ് കൊറോണ വൈറസ് ബാധിച്ചത്. രോഗം ഏങ്ങോട്ടേയ്ക്കും വ്യാപിക്കാന് ഇപ്പോഴും സാധ്യതയുണ്ടെന്ന് ലോകാര്യോഗ്യ സംഘടന മുന്നറിയിപ്പ് നല്കി.
കൊറോണ വൈറസ് ബാധ സ്ഥിരീകരിച്ച ആലപ്പുഴ ജില്ലയില് ചികിത്സയില് കഴിഞ്ഞിരുന്ന മെഡിക്കല് വിദ്യാര്ത്ഥിയെ ഐസൊലേഷന് വാര്ഡില് നിന്നും ഇന്ന് മാറ്റും. തുടര്ച്ചയായ പരിശോധനാഫലങ്ങള് നെഗറ്റീവായതിനെ തുടര്ന്നാണ് ഡിസ്ചാര്ജ് ചെയ്യുന്നത്. അതേസമയം, ഈ മാസം 26 വരെ ഇയാളെ വീട്ടില് നിരീക്ഷണത്തില് വയ്ക്കാന് തീരുമാനിച്ചിട്ടുണ്ട്. നിലവില് ആലപ്പുഴ ജില്ലയിലെ ആശുപത്രികളില് ആരും നിരീക്ഷണത്തിലില്ല. വീടുകളില് 139 പേര് നിരീക്ഷണത്തിലുണ്ട്. സംസ്ഥാനത്ത് 2,455പേരാണ് ഇപ്പോള് നിരീക്ഷണത്തിലുള്ളത്.
