ന്യൂഡല്ഹി: ഇന്ഡ്യ മുന്നണിയുടെ അധ്യക്ഷനായി കോണ്ഗ്രസ് നേതാവ് മല്ലികാര്ജുന് ഖാര്ഗെയെ തെരഞ്ഞെടുത്തു. ജെഡിയു നേതാവും ബിഹാര് മുഖ്യമന്ത്രിയുമായ നിതീഷ് കുമാര് കണ്വീനറാകണമെന്ന് യോഗത്തില് നിര്ദേശം ഉയര്ന്നെങ്കിലും അദ്ദേഹം നിരസിച്ചതായാണ് റിപ്പോര്ട്ട്.
സമാജ് വാദി പാര്ട്ടി നേതാവ് അഖിലേഷ് യാദവിനെയും തൃണമൂല് കോണ്ഗ്രസ് നേതാവ് മമത ബാനര്ജിയെയും ഇക്കാര്യം അറിയിക്കുമെന്നും നേതാക്കള് പറഞ്ഞു. ഇരുവരും ഇന്നത്തെ യോഗത്തില് സംബന്ധിച്ചിരുന്നില്ല. വരുന്ന ലോക്സഭാ തെരഞ്ഞടുപ്പില് പ്രതിപക്ഷഐക്യം എങ്ങനെ ശക്തിപ്പെടുത്താമെന്നും പങ്കിടുന്നതുള്പ്പടെയുള്ള വിഷയങ്ങളും യോഗം ചര്ച്ച ചെയ്തു.
