ചേലക്കര: ഉപതെരഞ്ഞെടുപ്പ് നടക്കുന്ന ചേലക്കരയില് പൊലീസ് വിലക്ക് ലംഘിച്ച് പി.വി അന്വര് എംഎല്എയുടെ വാര്ത്താസമ്മേളനം.
താന് തെരഞ്ഞെടുപ്പ് ചട്ടം ലംഘിക്കുന്നില്ലെന്ന് വ്യക്തമാക്കിയാണ് അന്വര് വാര്ത്താസമ്മേളനവുമായി മുന്നോട്ട് വന്നത്. മുഖ്യമന്ത്രി പിണറായി വിജയന് വേണ്ടിയാണ് പൊലീസ് തന്റെ വാര്ത്താ സമ്മേളനം തടയുന്നതെന്നും അദ്ദേഹം പറഞ്ഞു.
വാര്ത്താ സമ്മേളനം തുടരുന്നതിനിടെ പി.വി.അന്വറിനോട് ഇത് നിര്ത്താന് തെരഞ്ഞെടുപ്പ് ഉദ്യോഗസ്ഥര് പറഞ്ഞു. എന്നാല് ഉദ്യോഗസ്ഥരോട് അന്വര് തര്ക്കിച്ചു. തുടര്ന്ന് അന്വറിന് നോട്ടീസ് നല്കിയ ശേഷം ഉദ്യോഗസ്ഥര് മടങ്ങി.
